Егорова Мария Пименовна

 

Хос эбээм удьуор  үлэһит этэ

Мин хос эбэм тыыл бэтэрээнэ, элбэх оҕолоох ийэ Егорова Мария Пименовна.

Кини 1937 сыллахха Үөһээ Бүлүү улууһун иккис Үөдүгэй нэһилиэгин Куду (Халбаакы) колхуос, Сэтэкэм Боотулуутугаар холкуостаахтар дьиэ кэргэттэригэр төрөөбүтэ. Хос эбээм ийэтэ Егорова Анастасия Григорьевна холкуоска ынах сүөһүтүн холбоон холкуостаах буолбут, араас ыарахан үлэлэргэ, сүөһү көрүүтүгэр үлэлээбит, “стахановскай хамсааһын” кыттыылааҕа, “И.В.Сталин” төбөлөөх мэтээлинэн бэлиэтэммит.

Хос эбээм аҕата Егоров Пимон Николаевич холкуостаах, эдэригэр Бодойботтон атынан көмүс таһыытыгар сылдьыбыт, уоттаах сэриигэ 1943 сыллаахха ыҥырыллан барбыт, Сталининград иһин кыргыһыыга  кытта сылдьан сураҕа суох сүппүт. Онон эбээм 12 саастааҕар төгүрүк тулаайах хаалан сэрии, уот — кураан кыһалҕатын оҕо эрдэҕиттэн билбит.

Бастаан колкуоска бурдук быһыытыгар уонна окко оҕус сиэтээччинэн сылдьыбыт, онтон үлэ күнүн аахсаары холкуоска  ыраах фермаҕа  субай сүөһү көрөөччүнэн үлэлээбит.

Кыайыы буолбутугар Куду учаастагар көһөн кэлэн дьонун дьэтигэр олорон үлэ күнүн аахсан, бурдук лэппиэскэ нуорманан ылан, олорор эбэтигэр туулаан балыктаан эбинэн уонна үтүө санаалаах  нэһилиэгин дьонун өйөбүлүнэн тыыннаах хаалбыт. Олох тупсан истэҕин аайы дьон – сэргэ олоҕо эмиэ тупсан сайдан олоххо тардыһыылара күүһүрбүт. Кииҥҥэ киирэн комсомол кэккэтигэр киирбит саастаахтрын кытта бииргэ араас үлэҕэ  көхтөөхтүк кыттыбыт. Холкуостары бөдөҥсүтүү буолбутугар хос эбээм совхозка дайаарканан үлэлээбит. Элбэх үүтү ыан, ньирэйи көрөн бастыҥнар кэккэлэригэр сылдьыбыт,махтал суруктарынан бэлиэтэммит.

Хос эбээм 1960 сыллаахха ыал буолбут. Кэргэнэ Дүллүкүттэн төрүттээх бэйэтин курдук тулаайах Васильев Василий Николевичтыын ыал буолан совхозтан арахсыбатахтар. Хос эһээм илиитигэр дьоҕурдаах, кыахтаах  буолан тутааччы уус идэлээх эбит. Кини оройуон киинигэр элбэх бэлиэ тэрилтэ  дьиэлэрин тутуспут. Кинилэр сэттэ оҕону төрөтөн иитэн олох киэҥ аартыгар үктэннэртээбиттэр. Үлэһит  дьон болан дьон убаастблын ылан бочуоттаах сынньалаҥҥа тахсан баран олохтон туораабыттар.

Билиҥҥи кэмҥэ биһиги сиэннэрэ уонна хос сиэннэрэ күндү дьоммут ааттара сүтэн иҥэн хаалбатыгар кыһаллабыт уонна кинилэр олохторун кылгас ахтыыларга суруйан оҕолорбутугар доҕотторбутугар кэпсиибит. Ол курдук хос эбээм Мария Пименовна уонна хос эһээм Василий Николаевич  ааттара Үөдүгэй сопхуоска аналлаах сквергэ бастыҥ үлэлээхтэр испииһэктэригэр киллэриллэн үйэтитиллибиттэр. Ону сэргэ нэһилиэк 250 сылыгар аналлаах “Үүнэр – сайдар Үөдүгэйим” кинигэ тахсыбытыгар олохторун сырдатар ыстатыйа баар. .

Ыарахан олохтон чаҕыйбакка олоххо тардыһыыларынан хара көлөһүннэрн тоҕон үлэлээбит, эйэлээх уйгулаах  олоҕууһансыбыт дьоммунан киэн туттабын!

 

 

 

Автор: Никифоров А., 6 класс