Егорова Анна Романовна

Анна Романовна тыыл, үлэ бэтэрээнэ. Нэһилиэккэ өр сылларга ыанньыксытынан, ол иһигэр тунуй бургунастары көрөөччүннэн үлэлээбитэ. Бастакы ньирэйдэри араарыы, тунуй бургунастартан аан бастаан 1200 кг үүтү ыаһын барыта кини сыралаах үлэтин түмүктэрэ буолаллар. Ол саҕана «Бастыҥ ыанньыксыт» диэн бочуоттаах аат иҥэриллэн райсовет исполкомун, партия райкомун аатыттан дастабырыанньа туппута.

Оройоҥҥа, нэһилиэккэ биллэр кэрэ, чуор куоластаах этэ. Кытылга олорор пиэрмэ үлэһиттэрэ «Кытыл кыргыттара» диэн ансаамбылларын сүрүн солиската этэ. Элбэх куонурстарга кыттан лауреат аатын ылаттаабыта. Кинилэр олохторун 11 оҕо, 20 сиэн, 14 хос сиэн ыччаттара салгыыллар.

2 б Дьяконов Семен Петрович, Егорова Анна Романовна