Егоров Иван Денисович 1920 с.т.

Биhиги хос эhээбит Егоров Иван Денисович 1920 с. бэс ыйыгар Уоттай Арыылааҕар уруккута II Байаҕантай сиригэр Егоров Денис Лазаревич, Егорова (Бурнашева) Александра Дмитриевна дьиэ кэргэнигэр төрөөбүт. Сэттэ уоллаах Аммос Егоров сиэнэ. Кини иннинэ үс оҕо төрөөн өлбүт. Петр диэн бырааттаах. Ийэлэрэ Баргыччымаҕа олохтоох тоҕус оҕолоох Миитэрэй, Өкүлүүн Бурнашевтар кыыстара Дэниис, Өлөксөөһө Уоттай Арыылааҕар үгүс аймахтарын кытта эн мин дэһэн олорбуттар, элбэх кырдьаҕаһын көрөн-харайан уҥуох туппуттар.

Өлөксөөһө кыайыылаах улэһит, иистэнньэҥ, ыраас туттуулаах, туохтан да иннэн турбат дьахтар. Инилэрэ Тимофей, Захар (Аччыгый Ньукулай уолаттара) ийэлэрэ эрдэ өлөн эҥэрдэһэллэрэ. Ырыа-тойук туппут Захар Саха театырыгар улэлиирэ, кыаллар, кытыгырас, хаартыскаҕа түһэриинэн дьарыктанар,  национальнай байыаннай оскуоланы бутэрбит Тимофей сайылаан бараллара.

Иван 1921 с. диэки Тандаҕа оскуолаҕа киирбит. Бастаан төрдуөн Билиргэ олорон оскуолаҕа үөрэммиттэрэ, онтон Тимофей, Захар сэттиһи бүтэрэн барбыттарын кэннэ Кустуурап Акыымнаахха олорбуттар. Учууталара Турантаев Иван Егоров Семен Васильевич, Готовцев Иннокентий Петрович, Кычкин Гавриил Данилович, нуучча тылыгар Готовцев Егор Афанасьевич, Колодезников Василий Гаврильевич. Бэһис кылааска үөрэнэ сылдьан оҕустан бырахтаран, илиитин тоһутан үөрэмэттэх. Аҕата Денис Лазаревич диспансер тутуутугар улэлиирэ. Икки отоһут тутан көрбүттэр да, кыайбатахтар. Такыччы оһон сааһын тухары эрэйдэммит. Егор Афанасьевич Готовцев умнубутун буолуо диэн бэһис кылааска иккиһин үөрэммит.
1938 c. сэттис кылааһы бүтэрэн, суоччуттар курстарыгар үөрэнэн, «Толоон Эбэ»колхозка үлэлээбит. «Толоон», «Сталин» холбоһон «Микоян» буоланнар алат сыл биригэдьиирдээбит, онтон сылгыһыт, НХБСБ кыттыылааҕа, боруонса мэтэллээх. 1959 с. күһүнүгэр Балаҕаннаахха көһөн киирбиттэр. Хос эбээбит өлбүт кэннэ продавецтыы сылдьыбыта, эмиэ да арыы собуотугар маастардаабыта.
Хос эбээбит Толооҥҥо олордохпутуна ыалдьыбыта. Арай аҕабыт өр баҕайы суох. Кыһыл тураҕас аттаах этэ; ол куйаас күн эбэбиитин Еляны кытта ынахтарын хомуйан кэлэн иһэн көрдөхтөрүнэ бүтэй таһыгар кыһыл ат бааллан турара. Кинилэр үөрүү бөҕө. Ол куйаас, ыраас күн эбээм өйүгэр бу бардыы хатанан хаалбыт.
Хос эһээбит Иван Денисович суҥхара сылдьбат киһи этэ. Сытыары сымнаҕас майгылаах, көннөрү көбдьҕүрбүт саҥалаах, хаһан да хайа да оҕотун мөхпөт киһи. Тэҥ саастыылаахтарыттан итэҕэс улэлээбэтэх дьон. Хос эһээбит бэйэтин лаппа кыанар, кытырыгас булчут этэ, тайахха, андыга, куобахха сылдьара.
Кини хаһыаты өрүү ааҕара, төһө да ыарахан ыарыы буолан суорҕан-тэллэх киһитэ буоллар, кытаанах санаатын булгуруппатаҕа, арай сахалыы үчүгэй ырыаттан, тойуксуттар толорууларыттан улаханных долгуйара, үтүө кэмнэрин санаан ытамньыйан ылара.
Оҕолоро бары санаабытын курдук көрөн-истэн уһун сылларга сымнаҕастык, сылаастык тутан олорбуттара. Улахан уолугар сытан 2000 с. атырдьах ыйын 31 күнүгэр тыына быстыбыта. Аҕабытын өрүү илдьэ сылдьаары аһыйан бөҕө. Санаатын хоту дойдутугар Толооҥҥо уҥуох туппуппут.
Хос эһээбит Иван Денисович Егоров ыарахаттаран чаҕыйбат, тулуурдаах, кыайыылаах үлэһит, сахалыы чиҥ-чаҥ дьиҥнээх үтүө хаачыстыбалаах киһи этэ диэн үөлээннээхтэрэ саныылыр. Уонна оҕолорун өйүгэр-санаатыгар кини эдэр-сэнэх мөссүөнэ өрүү көстөр, мүччүҥнээх тугу эрэ этээри гынар сэбэтэрэ элэҥнээн кэлэр.

Хос эһээбит илиитин тоһутан, инбэлиит буолан сэриигэ барбатах. Совхозка суоччут буолан улэлээбитэ. Наҕарадалара: Ветеран Труда, Сорок Лет Победы В Великой Отечетсвенной Войне 1941-1945 гг., Маршал Советского Союза Жуков, За Достигнутые Успехи В Развитии Народного Хозяйства СССР Награжден Бронзовой Медалью, За Доблестный Труд в Великой Отечественной Войне 1941-1945 гг., Тридцать Лет Победы в Великой Отвечетсвенной Войне 1941-1945 гг., Главным Комитетом Выставки Достижений Народного Хозяйства СССР Утвержден Участником ВДНХ СССР.

Ааптар: Е.Саша, 8 кылаас уерэнээччитэ