Ефремов Дмитрий Иванович

Мин эһэм Дмитрий Иванович, сэрии, үлэ ветерана, 1921 сыллаахха Таатта улууһун Тыараһа нэһилиэгэрТүөйэ үрэх үрдүгэр турар Тойохой балаҕаныгар төрөөбүтэ, тулаайах хаалан баран аймахтарынан иитиллэн улааппыта.

Кыра оҕо эрдэҕиттэн колхуоска үлэлээбитэ, сайдам-сайаҕас майгылаах, үтүө тыллаах-өстөөх үлэһит уолу олохтоохтор сөбүлүү көрөллөрө, үлэһит оҕо буолсу диэн төлкөлүүллэрэ. Кини 10 сааһыгар Даркылаах оскуолатыгар 1931 с. үөрэнэ киирбитэ., 1931 с.  пионерга киирэн сайыныгар пионерскай лааҕырга сылдьыбыта. 1935с. начальнай оскуоланы бүтэрэн  “ Иитиэх” колхозка үлэлээбитэ.

Төһө да кыра-хачаайы буоллар үлэҕэ эриллэн улааппыта, нэһилиэгин, колхоһун иннигэр элбэхтик үлэлээбитэ.1940-1944с.с. диэри биригэдьиирдээбитэ, кыладыапсыктаабыта, суруксуттаабыта. 1943с. комсомолга киирбитэ.1944 сыллаахха сааскы хомуурга саа-саадах тутан Ийэ дойдутун фашистскай талабырдьыттартан көмүскүү барбыта уонна 582с.полкаҕа 3-с стрелковай рота автоматчигынан сылдьыбыта. Байыаннай үөрэҕи Забайкалье куоракка баран пулеметчик буолбута, арҕаа туһаайыыга Манчжурия, Китай сиринэн сылдьан,  Сахалиҥҥа сэриини түмүктээбитэ.1946с. сэтинньиттэн(ити иннинэ балаҕан ыйыгар Сахалинтан эргиллэн кэлэр), Ленин аатынан колхозка бастаан сүөһү , онтон хонуу биригэдьииринэн үлэлиир.  1948с. партияҕа киирэр.

Кыайыы буолбутун кэннэ 1947с.сэрииттэн эргиллэн кэлээт үлэ үөһүгэр түһэн, хара өлүөр диэри үлэлии сылдьыбыта. Салайар талааннаах буолан колхозка, совхозка салайар үлэҕэ үлэлээбитэ, саҥа олоҕу тутуспута. Биригэдьиирдээбит сүүрбэттэн тахса сылларыгар Дьиэбэгэнэн, Түөйэнэн, Даайа Амматынан үтүмэн от оттоммута, уопсай сүөһү-ас ахсаана хаҥаабыта, эт-үүт элбээбитэ. Кини көҕүлээһининэн үлэ бастыҥнара, ударниктара баар буолбуттара, 1500-лаах кирбиини ылары ситиспиттэрэ. Кэргэниниин Ефремова Елена Ивановналыын 9 оҕону төрөтөн атахтарыгар туруорбуттара, үөрэхтээбиттэрэ. Дмитрий Иванович 1948 сыллаахтан ССКП чилиэнэ буолан нэһилиэк олоҕо тупсарыгар бары күүһүн харыстаабакка партия ханна ыйбытынан үлэлээбитэ, государствоҕа эт-үүт туттарыытын былаана туоларыгар, сүөһү-сылгы ахсаана элбииригэр  үлэлэспитэ, нэһилиэк депутатынан талыллыбыта, управляющай да солбуйа сылдьыбыта.Биэс-алта сыл устата Варламов Алексей Романовичтыын ат баайааччынан сылдьыбыттара. Эрчийбит аттарын уолаттара Илларион. Ваня сүүрдэр эбиттэр. Пенсияҕа тахсыар диэри биригэдьиирдиир, 1975с. бочуоттаах сынньалаҥҥа олорор, сайын оттоон совхозка күүһэ кыайарынан көмөлөһөр. Дмитрий Иванович хайдах сэриилэспитин уонна хайдах эйэлээх олоҕу тутуспутун туһунан наҕараадалара, элбэх ахсааннаах грамоталара туоһулууллар. Кини ылбыт наҕараадалара:

  1. 39292003 №-дээх «Аҕа дойду” орден кавалера.
  2. Медаль за Победу над Японией” от 30-го сентября 1945г.
  3. “За доблестный труд в ВОВ 1941-1945”г.г.-мэтээл.
  4. Знак “25 лет Победы в ВОВ 1941-1945г.г.”
  5. Знак “Ветеран Забайкальский фронт”
  6. Медаль “30 лет Победы в ВОВ 1941-1945г.г.”
  7. Медаль “40 лет Победы в ВОВ 1941-1945г.г.
  8. Медаль “50 лет Вооруженных сил СССР 1918-1968г.г.”
  9. Медаль “60лет Вооруженных сил СССР” 1918-1978г.г.
  10. Медаль “Ветеран труда СССР за долголетний добросовестный труд”.

П. Егоров,   3 кылаас