Ефимова-Винокурова Матрена Петровна (1929 г.р.)

 

Тыыл, үлэ бэтэрээнэ Ефимова-Винокурова Матрена Петровна

Мин эбээм, Матрена Петровна Уус-Алданна, Сынаах нэһилиэгэр Ыа5ыйалаах сайылыгар 1929 сыллаахха тохсунньу ыйга дьадаҥы ыалга төрөөбүтэ. Аҕыс сааһыгар маҥнайгы кылааска Суотту Сыһыытыгар үөрэнэ киирбитэ. Салгыы үөрэнэр кыаҕа суох буолан, сэрии кэмигэр 9 сааһыттан тыылга ыарахан үлэҕэ сылдьыбыта: оҕус сиэтиитигэр, борооску көрүүтүгэр үлэлээбитэ. А5атын, унуо5унан кыра диэн сэриигэ ылбатахтара диэн кэпсиирэ. Аҕатынаан Суотту-Бороҕон суолун солооһуҥҥа, Бороҕоҥҥо оттук мас бэлэмнээн киллэриигэ колхоз сыыппаратын толорууга улахан дьону кытта тэҥҥэ үлэлээбитэ. 1949-1950 сылларга, сут кэмигэр, сүөһүлэрин үүрэн дьоннорун кытта Кэбээйинэн, Намынан сылдьыбыта.
Намтан торуттээх Винокуров Василий Григорьевичка кэргэн тахсар, Элэһининэн, Хайахтааҕынан, Ыаҕыйалааҕынан, Дьарааманан, От охсорунан көһө сылдьан сүөһүгэ үлэлээбитэ. Сайын окко сылдьан, саас кыстык маһы илиинэн эрбээн саһааннаан баран атынан, оҕуһунан Мүрү нэһилиэгэр таһаллара.
1954 сыллаахха Тумул нэьилиэгэр кэргэнинээн коьон кэлэн олохсуйбуттара.
Үлэлиир кэмигэр былаанын толорорун, үчүгэй кыһамньылаах үлэтин иһин элбэх грамоталарынан, мэтээллэринэн наҕараадаламмыта.
Тумул нэьилиэгин Депутатынан талыллан улэлээбитэ, убаастанар утуо улэьит этэ.
Матрена Петровна түөрт оҕону төрөппүт элбэх оҕолоох ийэ. Эбэлэрин аатын ааттатар 12 сиэннээх, элбэх хос сиэннээх, хос хос сиэннэрдээх. Маны таһынан быраатын Бүөтүр оҕолоругар, сиэннэригэр көмөлөһөрө. Пенсияҕа тахсан баран тохтообокко, 67 сааһыгар диэри совхозка 20 төрүүр тиҥэһэни, кэтэх хаьаайыстыбатын уонча тобо суоьуну корон олороро эмискэ ыалдьан өлбүтэ.
Кыра эрдэхпинэ эбээбин батыьа сылдьан улэлииргэ үөрэммитим, ына5ы ыырга, айыл5аны харыстыырга, улэни оро тутарга, дьонно учугэйдик сыьыаннаьарга утуо холобур буолбута.
Үлэтигэр бараары туран барыбытын кэрийэ сылдьан утуйа сытар сиэннэрин сыллаан ааьара. Сарсыарда утуйан турдахпытына күнүн аайы остуолга күөрчэх, сана буспут лэппиэскэ баар буолара, харахпар бу баардыы кестер.
Эбээбин таптаан Айыы Матырыас дииллэр эбит. Оголордоох киьи буолан аата ааттана турдага. Билигин биһиги эбэлэрбит, эьэлэрбит туьунан ахтыы онорон кэлэр кэнчээри ыччаттарыгар үтүө өйдөбүнньүк хаалларабыт.

Эбээм мэдээллэрэ: Улуу Кыайыы 30 сылынан, Улуу Кыайыы 40 сылынан, Улуу Кыайыы 50 сылынан, Ветеран труда, Ветеран Тыла, Депутат сельского совета значок.

Авторы: А.А. Александрова, П.Александров, ученик 5 класса.