Ини-бии ДЬЯКОНОВТАР Аҕа дойду көмүскэлигэр

(Чурапчы улууһун Сылан нэһилиэгэ)

  • Мин хос эһэм Дьяконов Семен Федорович (1912-1966)

«Комбайн» холкуос чилиэнэ, актыыбынай комсомолец. Сэрии иннинэ комсомол оройуоннааҕы комитетыгар инструкторынан үлэлээбитэ. 1943с. бэс ыйын 24 күнүгэр үлэ фронугар ыҥырыллан 1355-с үлэ хамаандатыгар түбэһэн, Иркутскай уобалас, Усолье-Сибирское куоратыгар сэрии бүтүөр диэри 1945с. собуокка үлэлээбитэ. Армияттан кэлиитигэр оһох оҥоруутун баһылаабыта. Яковлева Елена Ивановнаны кэргэн ылан, 7 оҕону күн сирин көрдөрбүттэрэ.

  • Дьяконов Ванифатий Федорович (1914-1942)

          Бииргэ төрөөбүттэртэн уоттаах сэриигэ маҥнайгынан ыҥырыллыбыта. Ол саҕана Райсоюз киин ыскылаатын сэбиэдиссэйинэн үлэлии олорбута, «Комбайн» холкуос чилиэнэ. Армияҕа кавалерийскай чааска түбэһэн сэриилэспитэ. Ржев куорат иһин кыргыһыы кыттыылааҕа. Бу хаан тохтуулаах кыргыһыыларга хорсуннук сэриилэһэ сылдьан 1942 с. олунньу 12 күнүгэр Калининскай уобалас, Луковишковскай оройуонун, Высоково дэриэбинэтин иьин кыргыьыыга эдэр ологун толук ууран геройдуу охтубута. Сэрии иннинэ эрэ кэргэн ылан баран, оголонор дьолу билбэтэҕэ.

  • Дьяконов Николай Федорович (1917-1947)

          Чурапчытааҕы пед.училищены бүтэрбитэ. Үөрэҕэр үчүгэй, уруһуйга, поэзияҕа, музыкаҕа олус талааннаах эбит. 1942 с. балаҕан ыйын 14 күнүгэр сэриигэ ыҥырыллан барбыта. 19-с туспа хайыһар биригээдэтигэр түбэһэн, аатырбыт Старай Русса куорат иһин Ильмень күөлгэ буолбут кыргыһыы кыттыылааҕа. Салҕыы 3-с Прибалтийскай фронт, 43-1 зенитнэй дивизиятын, 463-1 зенитнэй-артиллерийскэй полкатын састаабыгар киирсэн сэрии бүтүөр диэри хорсуннук сэриилэспитэ. Сэриини Пруссияҕа түмүктээн, ыарахан эчэйии ылан 1945с. дойдутугар эргиллибитэ. «За отвагу», «За боевые заслуги» мэтээллэринэн наҕараадаламмыта.1947с.сэриигэ ылбыт эчэйиилэриттэн өрүттүбэккэ, ыарахан ыарыыттан бу олохтон туораабыта.

С.Скрябин, 5 кылаас