Дьяконов Иван Алексеевич (1939 г.р.)

                                                                   

Дьяконов Иван Алексеевич, сэрии кэмин оҕотун кэминээги кэмин туоһулуур мэдээллээх, үлэ уонна тыыл бэтэрээнэ, СССР Үлэ бэтэрээнэ мэтээл хаһаайына, Кэбээйи улууһун бочуоттаах олохтооҕо.

Эһээбит, Дьяконов Иван Алексеевич 1939 сыллаахха ахсынньы 31 күнүгэр Дьяконовтар дьиэ кэргэннэригэр Кэбээйигэ төрөөбүтэ. Аҕата Алексей Иванович 1942 с. сэриигэ ыҥырыллан барар, кинини үлэ боруонугар Чита куоракка ыыппыттара. Кинини ийэтэ уонна эһээтэ оҕолообуттара. Сэрии ыарахан сылларын эттэринэн-хааннарынан билбит дьон.  Хос эһээбит, Алексей Иванович 1946 с. сэрииттэн төннөн кэлэн, дойдутугар  үлэлээбитэ. Кэлин 5 оҕону оҕоломмуттара. Хос эһээбит, Алексей Иванович үйэтин тухары маһы кытта “өрө тустан” элбэх тутууну хаалларбыта, үгүс ыал дьиэтин, ампаардарын, баанньыктарын тутуспута. Эһээбит ийэтэ Мария Ивановна эдэр сааһыгар эрдэ ыалдьан өлөн, ыал улахан оҕотун оруолун толорор, эппиэтинэстээх эбээһинэс кини санныгар сүктэриллэр. Кыра сааһыттан эһээбит суорунаҕа бурдук тардар үлэҕэ үлэлиирэ. Сайынын маттаҕалаан туттараллар эбит. Оччоҕуна кыра харчы аахсан аҕатыгар көмөлөөх курдук сананара. Эһээбит үөрэҕи ылбатаҕа эрээри холкуос, сопхуос араас үлэтигэр сылдьыбыта, киһиэхэ сирдэрбэт, үтүө үлэһит этэ. Кини кыһынын сопхуоска сүөһү көрөр, атынан от тиэйэр, сүөһү ноһуомун таһааччынан, сайынын от, бурдук үлэтигэр үлэлээбитэ. Аҕата  таһаҕас тиэйэ бардаҕына, бииргэ төрөөбүт балыстарын көрө-көрө үлэлиирэ. Кэлин Кыһыл Кэбээйи үлэһит кыыһын, эбээбитин Кобякова Татьяна Филипповнаны көрсөн 1963 с. ыал буолан, туһунан дьиэ-уот туттан, 8 оҕону төрөтөн улаатыннарбыттара, барыларын атахтарыгар туруоран, оҕолоро бары араас идэлээх, элбэх оҕолоох ыаллар, ону таһынан сүөһү ииттэн, быр-бааччы 40-тан тахса сыл дьоллоохтук олорбуттара.  1970 сылларга эһээбэр соҕурууттан кэлбит боруода оҕустары туттараллар. Бу сүрдээх улахан симменталь боруодалары сиэтэн уулатар, көрөр-харайар улахан, ыарахан үлэ этэ.  Бу оҕустары ынах буоһатарга сопхуоска саамай эппиэтинэстээх улэ этэ. Эһээбит пенсияҕа тахсан да баран үлэлээбитэ. Ол чэрчитинэн сылын аайы үрдүк көрдөрүүнү ылан эһээм дойду тэбэр сүрэҕэр Москубаҕа ВДНХ путевканнан күүлэйдээбитэ. Ол кэнниттэн Нальчигынан, Сочиннан эмиэ күүлэйдээн, сынньанан кэлбитэ. Ити курдук урут “хотонтон Москуба чугас” диэн мээнэҕэ эппэттэр эбит. Эһээ үчүгэй үлэтин туоһута элбэх наҕараадалардаах, махтал суруктардаах эбит. «Сэбиэскэй бириэмэҕэ киһи үлэтин сыаналыыр этилэр. Элбэх хайҕал сурук, бириэмийэ ылбытым», — диэн ахтара эһээбит. Эһээ кыһынын муҥхаҕа сылдьан балык, собо бөҕө таһаарара. Онтун ыалларга туҥэтэр, бэрсэр үгэстээх эбит.

Биһиги эһээбит төрөөбүт дойдутугар үйэтин тухары, төрөөбүт сопхуоһугар бэриниилээхтик, ситиһиилээхтик үлэлээн дойдутугар элбэх үтүөнү оҥорбутунан киэн туттабыт.

Эһээбит наҕараадалара:

  • Почетная грамота за добросовестное отношение к работе и успешное выполнение произвотдственных заданий 1979 года;
  • Почетная грамота за достигнутые успехи в социолистическом соревновании по итогам девяти месяцев юбилейном 1981 год;
  • Почетная грамота за успешное выполнение повышенных социолистических обязательств по итогам 1982 года.;
  • “Слава труда” почетная грамота за высокие производственные показатели по итогам 1986 года;
  • Почетная грамота за добросоветный труд в честь 30-летия совхоза “Кобяйский” 1991 года;
  • Почетная грамота за многолетний добросоветный труд, за вклад социально-экономическое развитие Кобяйского улуса и в связи 75-летием со дня рождения
  •                                  

Оҕолорун, сиэннэрин, күтүөттэрин ааттарыттан Нь.И. Дьяконова кыыһа, Кэбээйи улууһун олохтооҕо уонна сиэнэ Н. П. Антонова омук тылын учуутала суруйдулар.