Дьячковский Семен Алексеевич (1932 г.р.)

 

Мин эһэм.

Мин эһэм Дьячковскай Семен Алексеевич 1932 сыл балаҕан ыйын 8 күнүгэр Хаҥалас улууһун иккис Дьөппөн нэһилиэгэр төрөөбүтэ. Оҕо сааһа арылыйар сырдык уулаах Амма эбэ биэрэгэр Бологурга ааспыта. Аҕыс саастааҕар Аҕа дойду Улуу сэриитэ саҕаламмыта. Аҕата Алексей Леонтьевич 1942 сыллаахха хомуурга түбэһэн ийэ дойдутун фашистартан көмүскүү фроҥҥа барбыта. Геройдуу сэриилэһэ сылдьан Ленинград анныгар өстөөх буулдьатыттан охтубутун туһунан хара сурук туппуттара. Эһэм ийэтин Анна Тихоновналыын убайдаах балтын кытта улуус киинигэр Аммаҕа көһөн киирбиттэрэ. Сэрии кыһалҕалаах аччык олоҕо кинилэр дьиэ кэргэннэригэр кэлбитэ. Мин эһэм кыһынын Аммаҕа пекарняҕа кытай оҕонньоругар көмөлөһөөччүнэн үлэлээбитэ. Оҕонньор аччык оҕоҕо кистээн килиэп хоруоскатын иһигэр былаатынан эрийэн биэрэр эбит. Ол гынан кинилэр дьиэ кэргэҥҥэ үчүгэйи оҥорбут.

Сайынын Бологурга Карл Маркс аатынан колхозка отчуттарга өйүө таспыта. Онно ыҥыырдаах атынан хас да биригээдэҕэ таспыта. Ол сылдьан эһэҕэ түбэһэн утарыта көрсөн балай да олорбутун кэпсээбитэ.

 

 

Автор: А.Куличкин, ученик 11 класса.