Дьячковская (Потапова) Елизавета Павловна

(1911 – 1965гг)

Мин хос эбээм Потапова Елизавета Павловна 1911 сыллаахха төрөөбүт. Ийэтэ 1922 сыллаахха оһолго түбэһэн өлбүт. Онон оҕолору аҕалара Байбал бэйэтэ иитэн киһи-хара оҥортообут.

Лиза оскуолаҕа үөрэммэтэх, тулаайах буолан буолуо, эдэр эрдэҕиттэн наар сүөһү көрүүтүгэр үлэлээбитэ.

1928 сыллаахха биир дойдулааҕар, Омоллоон олохтооҕор, Дьячковскай Александр Семеновичка (1911-1985 сс.) кэргэн тахсан утуу субуу 5 оҕолоноллор: Луиза, Катя, Александр, Егор, Сэмэн.

Аҕа дойду сэриитин кэмигэр холкуоска ыанньыксыттаабыта. Хос эhээм фроҥҥа барбытын кэннэ үс кыра оҕотун кытта соҕотоҕун хаалбыт. Үлэлии-үлэлии оҕолорун көрөн-харайан, сэрии ыар сылларын этэҥҥэ туораабыттар. Хос эбээбит бэйэтин харыстаммакка үлэлээн, тымныйан, улаханнык ыалдьа-ыалдьа, син биир үлэлии сылдьыбыт. Кэлин тыҥатынан ыалдьан, өр кэмҥэ балыыһа киһитэ буолаахтаабыта. Кини кыра уола оскуоланы бүтэрэ илигинэ өлбүт. «Ийэҕэ Албан Аат», «Үлэҕэ килбиэнин иһин» мэтээллэрдээх этэ.

Улахан кыыстара, Луиза Александровна үс оҕото, сиэннэрэ, хос сиэннэрэ Дьокуускайынан, Болугурунан этэҥҥэ олороллор.Кыра кыыстара, Екатерина Александровна, кыыһын уонна сиэнин кытта Дьокуускайга олорор, сайын аайы дойдутугар тахсан дуоһуйа сынньанар. Улахан уоллара Александр Александрович үйэтин тухары Белоруссияҕа ыал буолан олорбута, билигин кэргэнэ, оҕолоро, сиэннэрэ кини олоҕун салгыыллар. Орто уол Егор Александрович төрөөбүт. Болугуругар олорон, үлэлээн-хамсаан ааспыта, билигин кини аатын 4 кыыһа, сиэннэрэ ааттаталлар.

Эhээм Семен Александрович, эбээбинээн, Елизавета Ивановналыын, ыал буолбуттара быйыл 49-с сылыгар барда. 7 оҕолонон, бары этэҥҥэ улаатан, үлэһит буолан, Дьокуускайынан, Майанан, Амманан, Болугурунан олороллор. Сиэннэрэ улаатан, үөрэхтэнэн улэhит буолан эрэллэр.

Хос эбээлээх эhээм иккиэйэх бэйэлэрэ элбэх ыччаттанан, Россия, Белоруссия араас куораттарынан сиэннэрэ, хос сиэннэрэ ааттарын ааттата сылдьаллар.

А. Петрова, 3 кылаас үөрэнээччитэ.

2025 сыл олунньу 18 күнэ