Дьячковская Евдокия Михайловна (1925 г.р.)

Эбээбит Дьячковская Евдокия Михайловна 1925 сыллаахха Чурапчы оройуонун Чыаппаратыгар төрөөбүтэ. Эдэр сааһыттан колхуоска фермаҕа ыанньыксытынан  үлэлээбит.

Сэрии саҕаланарыгар 7 кылааһы үөрэнэн бүтэрэн «1 Маай» аатынан колхуоска үлэлии киирбитэ. Кыанар эр киһи барыта сэриигэ барбыта. Дэриэбинэҕэ оҕону кытта дьахталлар, кырдьаҕастар эрэ хаалбыттара.

Туох баар ыарахан эр киһи улэтин барытын дьахталлар, оҕолор үлэлээбиттэрэ. Дойдуга сут-кураан буолан, Чурапчы оройуонун колхуостарын хоту оройуоннарга балык бултааһыныгар күүс өттүнэн  көһүүгэ ыыппыттара. Чыаппара 4 колхуоһуттан 3 –һэ эмиэ көһөрүллүбүтэ.

Хос эбэм үлэлээбит  «1 Маай»  эрэ колхуоһа барбатаҕа. Дойдуларыгар хаалан Кыайыыны уһансыбыттара. Бурдук үүммэккэ аччыктааһын, хоргуйан өлүү саҕаламмыта. Бары ыараханы эттэринэн-хааннарынан билэн сэрии ыар сылларын этэҥҥэ ааспыттара.

  Хос эбэм килбиэннээх үлэтин иһин «За доблестный труд в годы Великой Отечественной войны 1941-1945 гг.» диэн Сталин төбөлөөх мэтээлинэн наҕараадаламмыта. Сэрии кэнниттэн эбэм пенсияҕа тахсыар диэри нэһилиэгин колхуоһугар, совхуоһугар ыанньыксытынан үтүө суобастаахтык улэлээбитэ. Ол туоһутунан элбэх төгүл бочуотунай грамоталарынан, махтал суруктарынан наҕараадаламмыта буолар. Үлэтигэр үрдүк көрдөрүүлэрин иһин икки төгүл салалтата тыыннаах сүөһүнэн бириэмийэлээбитэ. Хос эбэм үлэтэ биһиэхэ холобур буолар.

 

 

Автор: хос сиэнэ М.Слепцов.