Дьячковскай Павел Давыдович (1895 г.р.)

 

Мин хос эһээм Дьячковскай Павел Давыдович 1895 c. Хабаровскай кыраай Аяно-Майскай оройуонун Цыпанда нэһилиэгэр төрөөбүт.

Амма оройуонун Саһыл Сыһыы холкуоһугар 1928 с. Майдаттан көһөн кэлбит. Кини манна кадровай булчутунан улэҕэ киирбит, уһун сылларга үтүө суобастаахтык сонордьутунан улэлээбит. Бэйэтин үчүгэйдик кыанар, атаҕар лаппа күүстээх туут хайыһарынан халыҥ хаар диэбэккэ үрэхтэри, үрүйэлэри, систэри быһан саҥа бултуур сиригэр көһөн олохсуйан бултуура. Оччотооҕу бириэмэҕэ түүлээх сыаната олус чэпчэки буолан син баһаам элбэх туттарбыт тииҥнэрэ, саарбалара, кырынаастара, солоҥдолоро, кыһыл саһыллара адьас аҕыйах сыанаҕа турара. Өлөрбүт түүлээҕиттэн тус бэйэтигэр таҥаһы таҥныбат кытаанах бэрээдэги чуолкайдык тутуһара.

Үйэтин тухары бултаан баран биир түүлээх таҥаһы таҥныбакка бараахтаабыта. Оннук судургу, көнө, чиэһинэй киһи этэ. Түүлээҕи бултааһыҥҥа тэрийээччигэ, холкуоска, туттарбыт түүлээҕин уопсай суумматыттан бырыһыан ааҕан государство аатыттан харчы төлөммөт этэ. Онон өр сылларга сорсуннаах, бастыҥ булчут Дьячковскай П.Д. олоҕор үбү-аһы дэлэйдик тутан олорботоҕо, тиийиммэт-тугэммэт кыһалҕатын үгүстүк көрсүбүтэ.

Сахаҕа улахан күүстээх, бэйэтин лаппа кыанар, киһи киэн тутта кэпсиир киһитэ. Кыыл тайаҕы сырсан Харама Хайаны туут хайыһарынан түһэн өлөрөн, нэһилиэгин дьонугар түҥэппиттээх. 1950 с. кэргэнин Назарова Татьяна Андреевнаны кэргэн ылан 4 оҕо аҕата буолар дьолун билбитэ. Улахан уолун Саасканы батыһыннара сылдьан сааланарга, туһах, чааккаан иитэргэ үөрэппитэ. Кэргэнэ Татьяна Андреевна холкуоска Абаҕа нэһилиэгин фермаларыгар көһө сылдьан ыанньыксытынан, үүт тутааччынан, ньирэй көрөөччүнэн улэлээбитэ.

 

 

Автор: В.Дьячковская, ученица 4 класса.