Дмитриева Феврония Алексеевна

Мин Мэнэ-Ханалас оройуонугар Менуруен нэhилиэгэр тереебутум. А5ыс о5ону анардас а5ам ииппитэ. Сэттис кылааhы Майа5а бутэрэрбэр А5а дойду Улуу сэриитэ са5аламмыта. Эр дьон уксэ сэриигэ барбыта. Мин бииргэ тереебут убайдарым Ньукулай, Егор, Петр утуу-субуу ынырыллан барбыттара. Олортон биир эрэ убайым, ыараханнык бааhыран, инбэлиит буолан, тыыннаах эргиллибитэ. Икки суурбэлэртэн эрэ тахсыбыт убайдарым сэриигэ охтубуттара. Теhелеех аhыйбыппытый кинилэри. Биhиэхэ ыраах тыылга хаалбыттарга эмиэ сурдээх ыарахан этэ. Харанаттан харана5а диэри улэлиирбит, ичигэс танас-сап, тотор гына аhыыр ас суо5а. Мин сэрии кэмигэр Павловскайга бастаан ферма5а, онтон колхоз араас улэтигэр улэлээбитим. Кыhын, тымныыга,мас кэрдэн, эрбиир, саhаанныыр этибит. Ол ынырык сылларга хоргуйан, ыалдьан елуу-сутуу баhаам этэ. Ыал ыалынан эстэр этэ. Суолга охтон елбут дьону булан кемер этибит. Колхозпут председателэ аччык дьонно хааhы биэрэн, сууттанан хаайыыга барбыта. Мин билиннэ диэри киниэхэ махтана саныыбын. Барыта кыайыы туhугар диэн улэлээн сылдьыбыппыт. Саас Чэллэмнэ, ферма5а, улэлии сырыттахпына «Кыайыы буолбут», — диэн иhиттибит. Бары уеруу бе5е буолбуппут. Ол сайын, Мооро5о, улахан Кыайыы ыhыа5а тэриллибитэ.