Василий Тимофеевич Дмитриев

 

Мин хос-хос эһэм Аҕа Дойду Улуу сэриитин саллаата

Биһиги аймахтан Аҕа Дойду Улуу сэриитигэр 4 киһи сэриилэспитэ: хос-хос эһээлэрим Верховцев Ефрем Михайлович, Дмитриев Василий Тимофеевич, абаҕабыт Данилов Афанасий Афанасьевич, күтүөппүт Холмогоров Илья Федотович. Бу 4 аймахпыттан сэрииттэн тыыннаах биир эрэ киһи хос-хос эһэм Василий Тимофеевич эргиллибитэ. Абаҕам уонна күтүөппүт сэрии толоонугар сураҕа суох сүппүттэрэ. Кинилэр оҕолоро суоҕа. Хос-хос эһэм Верховцев Е. М. көмүс уҥуоҕа Тверь к. аттыгар Братскай кладбищеҕа көмүллүбүтэ. Киниттэн биир кыыс оҕо хаалбыта.

Хос-хос эһээм Василий Тимофеевич 1941 с. сэриигэ ыҥырыллыбыта. Оччолорго кини колхуоска биригэдьиирдиир этэ. Дойдутугар ийэтэ Марыына, кэргэнэ Балбаара, Мотя, Виктор уонна Коля диэн 3 кыра оҕолоро кэтэһэ хаалбыттара. Оччолорго Дмитриевтэр Мэҥэ Хаҥаласка Саха Бэстээҕэ диэн сиргэ олорбуттара.

1942 с. от ыйыгар Василий Тимофеевич сэрииттэн элбэх бааһырыылаах, сэрии 1 группалаах инвалида буолан, дьоҥҥо көтөхтөрөн кэлбитэ. Кини кыратык эмтэнэ түһэн баран страховка ааҕынынан Майаҕа үлэҕэ киирбитэ. Сэрииттэн кэлбитин кэннэ 2 кыыс оҕолоро төрөөбүттэрэ: Люба уонна Маня. 1949 с. сэриигэ ылбыт баастарыттан өлбүтэ.

5 оҕоттон улахаттара Мотя уонна Виктор 8-9 саастарыттан колхуос араас үлэтигэр үлэлээн, дьоллоох оҕо саас диэни билбэтэхтэрэ. Хос-хос эбэм Варвара Михеевна наһаа ыарахан олохтооҕо. Колхуоска ыанньыксыттаан, уокка оттор мас кэрдэн, бурдук ыһыытыгар, от үлэтигэр үлэлээн, интернакка уонна оскуолаҕа повардаан 5 оҕотун барыларын үөрэттэрбитэ. Мотя медсестра, Виктор зоотехник, Коля телемаастар, Люба уонна Маня учуутал идэлэммиттэрэ.

Мин Аҕа Дойду Улуу сэриитин кыттыылаахтара аймахтарбынан киэн туттабын!

 

Автор: 6А кылааһын үөрэнээччитэ А.Куличкина