Дмитриев Иван Иннокентьевич (1926-1987 гг.)

 

Мин хос эһэм Дмитриев Иван Иннокентьевич, Мэҥэ Хаҥалас оройуонугар Хаптаҕай нэһилиэгэр Алааска холкуостаах ыалга 1926 сыллаахха ахсынньы ый 8 күнүгэр төрөөбүтэ.

Бэс ыйын 5 чыыһылатыгар 1944 с.Сэбиэскэй аармыйаҕа ыҥырыллыбыта. 18 сааһын ситэ туола илик этэ. Мальтаҕа 386 саппаас стрелковай полкаҕа стрелогунан сылдьыбыта. Онтон 886 стрелковай полкаҕа ыытаннар илин Японияны утары сэриигэ ыыппыттара.

Дивизиялара Мысиевскай станцияҕа баара. Кинилэри аччык, уута суох балаһыанньаҕа тулуйарга, сотору-сотору тревога тыаһаталлара, ыраах илдьэн сэриигэ үөрэтэллэрэ. Ол аата Баргунскай истиэби, Хинган хайаны туорурга үөрэтэллэр эбит. Сарсыарда 4 чааска артподготовка кэнниттэн атаакаҕа туруорбуттара. Хайлар куоракка тиийиибитигэр Япония капитуляциялаата диэбиттэригэр үөрүү бөҕө буолбуттара. Ол үрдүнэн хайаларга хаалбыт хунхузтар бэриммэккэ доттан, дзоттан ытыалаһа сыталлара. Онно куорат тас өртүгэр байыаннай ыскылааты харабыллаабыттара. Түүн бэриммэтэх хунгузтар дэриэбэнэҕэ киирэн кытайдары ыскылааттан байыаннай сэптэрин уордаран ылаары ыыталларын тутуталаан штабка ыыппыттар. Бу ыскылааты харабыллаан биир сыл олорбуттара. Ити бириэмэҕэ Китай 5-8 армиятыгар көмөлөһөн тобох японецтары туппуттар. Онтон дойдутугар кэлэн баран 125 таанка өрөмүөннүүр батальоҥҥа Улан-Удэҕэ сулууспалаабыт.Ол кэнниттэн Кыһыл Знамя, Кыһыл Сулус орденнаах эвакуационнай батальоҥҥа стрелогунан Биробиджаҥҥа, 1947 с. Восточнай Куйбышевка, Хабаровскайга сулууспалаабыт. Самоходнай установкаҕа радист-пулеметчик этэ. Младшай сержант званиетын биэрбиттэр.

Сэриигэ актыыбынай кыттыытын иһин наҕараадалара:

  1. “За победу над Японией” мэтээл.
  2. Благодарность-приказом Верховного Главнокомандующего Советского Союза т.Сталина от 23 августа 1945 №372.
  3. Ветеран труда буолбута,ону таһынан үбүлүөйүнэн мэтээллэринэн бэлиэтэммитэ. Коммунистическай үлэ ударнига буола сылдьыбыта. Бочуотунай грамотаны үлэлээбит сиригэр аайы ылар этэ.

 

Суруйда: К.Ефимов, 2в кылаас үөрэнээччитэ.