Данилов Николай Михайлович (1934-2013)

Хос эһэм Николай Михайлович Данилов (1934-2013)  Уус-Алдан 2 Өлтѳх нэһилиэгэр (билигин Арыылаах) тѳрѳѳбүтэ. Идэтинэн финансист, тыыл, үлэ ветерана, Саха республикатын Бочуоттаах ветерана, Уус-Алдан улууһун Бочуоттаах олохтооҕо. Сэрии кэмигэр ыал улахан оҕото буолан эрдэ ыарахан үлэҕэ сыстыбыта, кини оччолорго эмиэ 7 саастааҕа. Кини сэрии сыллардааҕы ахтыытыттан быhа тардан: «Саха киhитигэр саамай күүрээннээх кэм – от үлэтэ. Сэрии сылларыгар от үлэтэ хаалбыт дьоҥҥо ѳссѳ кытааппыта. Турар-турбат барыта сиртэн быкпыт сэрбэйэри хаалларбат туhугар, сарсыарда эрдэттэн киэhэ хойукка диэри үлэлиирэ. Миэхэ оскуолаҕа киирэ иликпиттэн сыарҕалаах оҕуhу мииннэрэн кэбиhэллэрэ. Кэбиһэр күрүѳҕэ тиийдэхпинэ киhи кѳрсѳр, угаайыбын сүѳкүүр уонна оҕуспун бугуллар диэки салайар. Онон оҕус сиэтээччинэн сылдьыбытым. Күнү быhа оҕуhу кытта тэҥҥэ мѳхсѳн олус сылайарым, кыайан да хаампат буоларым. Ходуhаттан отууга Саввина Кэтириис сүгэн таhаарарын ѳйдүүбүн. Онон, биир үлэhиттэрин, оҕус сиэтээччилэрин сүгэ сылдьаллара. Оччотооҕу холкуостаахтар оннук тулуурдаахтара уонна үлэҕэ дьулуурдаахтара».

 

 

Автор: Ю.Данилова, 6в ЯГНГ