Цыпандина (Аргунова) Александра Михайловна 1913-1972 гг.

 

Эбэм Александра Михайловна Аргунова – Цыпандина туһунан кылгастык да буоллар кэпсиэхпин баҕарабын.

Баатара  Бэдьимэтигэр олорбут Аргуновтар аймахтар тоҕус оҕолоох ыал кыра кыыстара этэ, биэс уоллахтара, түөрт кыыстаахтара. Аҕалара эрдэ өлөн олус эрэйдээхтик улааппыттар. Сэрии  иннинэ дуруусканан Иван Птицын диэн эһэбитигэр ыал буолан мин аҕабын Алексейы оҕоломмута, уһуннук олорбокко оҕотунаан иккиэн хаалбыттара. Онтон иккистээн олоҕун оҥостон Цыпандин Николай Дмитриевичка кэргэн тахсыбыта. Сэрии кэмигэр бары хаалбыт дьон: кыргыттар, дьахталлар, кырдьаҕас дьон, эбэтэр доруобуйаларынан сыыйыллыбыт эр дьон төһө күүстэрэ-кыахтара тиийэринэн үлэ үөһүгэр түспүттэрэ. Биһиги эбээбит кыра уҥуохтаах,  хатыҥыр бэйэлээх эдэр дьахтар кыаҕа тиийэринэн үлэттэн толлубакка ханна ыыталларынан үлэлээн барбыта. Эьээбит —  Цыпандин Николай Данилович хара5ынан армияттан сыыллан сэриигэ ылбатахтар, улэ фронугар сылдьыбыт. Ол кэмнэргэ колхозка улэлиир да дьон аска-тацаска тиксибэт кэмнэригэр ыал-ыалынан сутаан өлөр да тубэлтэлэрэ баара. Эбэм аах үлэлиир буоланнар кыра да буоллар эт, арыы, бурдук хамнастарыгар аахсаннар ууга-хаарга буккуйан уһатан-кэҥэтэн олордохторо. Уонна Төҥүлү эбэбит балыга элбэх киһини сут дьылларга быыһаатаҕа.

Эбэм кэлин сэрии кэнниттэн колхозка арыыһытынан, ньирэй, субан көрөөччунэн күүһэ кыайарынан улэлээн ааспыта. Кини көрөр ньиирэйдэрэ өрүү төлөркөй, улахан буолаллара диэн ийэм Мария Иннокентьевна сөҕө кэпсиирэ.Эбээм – Алесандра Михайловна Аргунова – Цыпандина — улэ, тыыл ветерана үчүгэй үлэтин иһин  Коммунистическай үлэ ударнига аат иҥэриллибитэ, 1957 сыллаахха Саха сирин дьахталларын III съеһин делегата буолар чиэскэ тиксибитэ. Эбээм 6 оҕо амарах ийэтэ, үгус сиэн, хос сиэн эйэҕэс эбээтэ.

 

 

 

Автор: М.А.Птицына – Говорова