Чириков Лука Федорович

Дьадаҥылар наардаһыаҕыҥ,

Сэниэ ыаллар сиэттиһэн,

Советтары тэрийиэҕиҥ,

Батталлааҕы тэйитэн!

Хары күүһү – харчылаахтар,

Ханыылаһа тардыаҕыҥ,

Хаан – уруу былааспытыгар

Хамначчыты талыаҕыҥ!

Чириков Лука Федорович 1922-1923 с.с. икки төгүл Томпо улууһун Мэҥэ – Алдан нэһилиэгин ревкомун председателинэн талыллан үлэлээбитэ.

1928 с. дьадаҥылар уобаластааҕы мунньахтарыгар Чурапчыга делегатынан талыллан баайдары куоластарын быһар мунньахха кыттыыны ылан кэлбитэ.

1929 с. сири оҥорор табаарыстааҕы (ТОЗ) тэрээһинигэр актыыбынай үлэни ыыппыта. Кини үлэҕэ үрдүк көрдөрүүнү ситиһэрэ, туруоруллубут соругу тиһэҕэр тиэрдэрэ, сүрэҕэ суохтарга эйэлэһиллиитэ суох сыһыаннаһара.

1930 с. колхозка аан бастакы чилиэнинэн киирбитэ. Сардаҥалаах үйэ саҥа хардыытын үөрэ-көтө, уруйдуу көрсүбүтэ. Совхоз тэриллиэр дылы араас үлэҕэ күүһүн харыстаммакка үлэлээбитэ. Үлэһит дьон убаастабылын туһанара. Түөрт оҕотун соҕотоҕун улаатыннаран, киһи – хара оҥорбута.

Лука Федорович кэнчээри ыччаттара – сиэннэрэ, хос сиэннэрэ, хос, хос сиэннэрэ үлэ, үөрэх үөһүгэр сылдьаллар, эһэлэрин олоҕун салгыыллар, кини сырдык ыратын олоххо киллэрэллэр. Чириков Л.Ф хос, хос сиэнэ Большаков Байдам Дьокуускай куорат 2 нүөмэрдээх орто оскуолатыгар 2 “а” кылааска үөрэнэр.

Автор: Большаков Б., 2 класс