Черепанова Парасковья Алексеевна (1920 г.р.)

Черепанова Парасковья Алексеевна Алтынньы 18 күнүгэр 1920 сыллаахха Бүлүү куоратыгар төрөөбүтэ. Кини бэйэтин үлэтин, олоҕун сүрүн тосхоло буолбут оройуоннааҕы типографияҕа саҕалаабыта. Уон сэттэ саастаах Паша кыыс Бүлүү типографиятын боруогун атыллаабыта уонна 35 сыл устатыгар арахсыбакка үлэлээбитэ. Эдэр олох, үлэ үөрүүтүн, күчүмэҕэйдэрин көрсүбүтэ. Кини үлэтин киниискэтигэр үлэҕэ уларыйыылар тустарынан үс эрэ суруллуу баар. Ол кини үлэҕэ ылыллыыта уонна типография көһүүтүгэр Үөһээ Бүлүүгэ үлэлээһинэ уонна төттөрү олохтоох типографиятыгар кэлиитэ эрэ бэлиэтэммиттэр. Онтон хайҕаллар толоруллар миэстэлэригэр Парасковья Алексеева үгүс наҕараадалара суруллубуттар.

Парасковья Алексеевна үлэни олус таптыыра, полиграфист мындыр идэтигэр эдэрдэри уһуйара. П. А. Черепанова ол айымньылаах үлэтин партия, правительство үрдүктүк сыаналаабыттара – ахсыс пятилетка түмүгүнэн Үлэ Кыһыл Знамята орденынан, «1941-1945 cc. Аҕа дойду Улуу сэриитигэр килбиэннээх үлэтин иһин». «В. И. Ленин төрөөбүтэ 100 сыла туолуутун бэлиэтээн Килбиэннээх үлэтин иһин» медалларынан наҕараадаламмыта. Табаарыстарын, куорат нэһилиэнньэтин ортотугар улаханнык ытыктанара, куорат Советын депутатынан быыбардана сылдьыбыта.

Парасковья Афанасьевна биир кыыс уонна биэс уол амарах ийэтэ. Эдэр сааһыгар ыарахан ыарыыттан ыалдьан туораабыта.

 

Автор: Уваровский Ю., 3 кылаас үөрэнээччитэ