Черемкина Акулина Николаевна

Күн күбэй эбэбэр махтал санааларым

Мин хос эбэм  — Черемкина Акулина Николаевна Абый улууhун биир ытыктанар, элбэх оҕолоох дьиэ-кэргэн маанылаах ийэтэ, эбэтэ, Далбар хотуна. Биhиги эбээбит олорбут олоҕо тѳрѳѳбүт дойдутун үүнэр-сайдар историятын кытта  тэҥҥэ ааспыттара. Кини оҕо, эдэр сааhа Аҕа дойду улуу сэриитин кэмнэригэр ааспыт буолан, бу сыллар ыар дьылларын этинэн–хаанынан билэн улааппыта. Абый Таала Куол участогар тохсунньу 6 кунугэр 1933 сыллаахха кун сирин корбутэ.

Сэттэ кылаас үѳрэхтээх эрээри олоххо билиитэ — кѳрүүтэ, сырдыкка – үрдүккэ тардыhыыта, үйэлээҕи кэрэхсиирэ барыта кини олорбут олоҕун туоhута буолар. Ол курдук, саҥа колхозтар тэриллиилэригэр эдэр ыччат ферматын биир бастыҥ ыанньыксыта, онтон үүтү тутар, астыыр пууҥҥа үлэлээбитэ. Эдэр киhи быhыытынан нэhилиэк общественнай үлэтигэр, культурнай сырдатар тэрээhиннэргэ актыыбынайдык кыттара. Таала күѳл диэн икки кѳстѳѳх учаастактан улуус киинигэр – Абыйга мунньахха, кэнсиэр репетициятыгар күннэтэ тиэстэллэрин, күhүн мууhунан хаҥкынан, кыhын хайыhарынан сылдьалларын, табанан кэлэниhэн, табаларын куоттаран кэбиспиттэрин кѳр-күлүү курдук кэпсиирэ. Хаhан да ыарахан үлэ, ыарахан олох этэ диэн ахтыбат буолара.

Кини куруук үѳрэ-кѳтѳ, күлүү-оонньуу аргыстаах тыа сирин үлэтин барытын сатыыра. Ол да иhин буолуо, биhигини эмиэ ханнык да үлэттэн толлубат, ханнык да үлэни таптыы үѳрэнэ сатаан диэн сүбэлээччи. Элбэх оҕолоохпун диэн туохтан да туора турааччыта суох, оччолорго муус-мас таhыытыгар субуотунньуктар, дайаарканы солбуйуу, от хомуурун кэмигэр кѳмѳлѳр, ону кытта общественнай үлэлэр элбэхтэрэ.

Өр сылларга оскуолаҕа тѳрѳппүт комитетын председателинэн, нэhилиэккэ депутатынан, дьахтар комитетын председателинэн үлэлээбитэ. Ону туоhулуур элбэх почетнай грамоталардаах. Комсомол, онтон коммунист буолан, оччотооҕу кэм ыҥырыыларын барытын ѳйѳѳн, биhигини олоххо активнай позициялаах буоларга ииппитэ.

Почетный знак «Гражданская доблесть»

Удостоверение ветерана великой отечественной войны

Орденская книжка «Материнская слава III степени»

Медаль «ветеран труда»

«Почетный гражданин Абыйского наслега»

Медали «За доблестный труд в ВОВ 1941-1945 гг.»

50 лет Победы

60 лет Победы

60 лет Победы  по указу президента РС(Я)

Почетные грамоты

Правнук Черемкин Д. 3 класс г. Якутск