Бурнашева (Ермолаева) Вера  Еремеевна

 

Төрөөбүт сыла: 1923 с.

Үлэлээбит сирэ: совхоз, тракторист

Мин хос эбээм Бурнашева-Ермолаева Вера Еремеевна 1923 сыллаахха Уус Алдан оройуонугар Танда нэһилиэгэр төрөөбүт. Дьонноро эрдэ өлөн  аймахтарыгар иитиллэ Курбуһах  нэьилиэгэр иитиллэ тиийбит. Курбуhахха сэттэ кылаастаах оскуолатын бүтэрбит.

Оскуола кэннэ үөрэҕэ суох эдэрдэри-кырдьаҕастары ааҕарга, суруйарга үөрэппит. Аһара ырыаһыт, үҥкүүһүт, домбраҕа-балалайкаҕа бэркэ оонньуура. Курбуhах нэьилиэнньэтин аатыттан дуоматка курэхтэьиилэргэ кыттан кыайыыны а5алар эбит. Себулуур дьарыгын балалайканы, ункууну- ырыаны нэьилиэнньэ эдэр ыччаттарыгар уөрэппит.

Сэрии саҕаламытыгар 1941сыллаахха Дьокууйскай куоракка киирэн трактористар курсугар үөрэммит. 1942 сыллаахха квалификациятын  урдэтэн тракторист- механик буолан дьону уерэтэн са5алаабыт.  Эдэркээн кыыс оҕо маһынан оттуллар көлүөһэлээх тракорынан Саһылыкаан, Суотту, Хоногор сирдэринэн сарсыардаттан түүҥҥэ диэри бааһына сирдэрин хоруталлара, ыһыы ыһаллара. Кураан дьыллар тураннар эрэй бегенү көрбүттэр эбит. «Биир туораах сиэмэ өстөөҕү кытыйарга»- девизтээх этэ. Сэрии бүтэрин Суотту нэһилиэгэр көрсүбүт. «Кыайыы буолбутун истэн баран үөрүү-ытаһыы бөҕө буолбута»-  диэн кэпсээн, ахтан ааhар эбит оҕолоругар.

Сэрии кэнниттэн МТС-ка трактористары- эдэр уолаттары үөрэтэлээбит.

Аһаҕас тракторга тоҥон-хатан эдэр сааһыгар ыарыһах буолан өр кэмҥэ эмтэнэн атаҕар туран кэргэн тахсан,  6 оҕо кун кубэй ийэлэрэ буолар. Мин эһэм Анатолий Петрович-  саамай кыралара эбит.

Эбээм нэhилиэк биир киэн туттар киьитэ. 1989 сыллаахха кун сириттэн барбыт,

 

Мин эбээм

 

Мин эбээминэн киэн туттабын.

Сэрии сылларыгар тракториска бэрдэ.

Мин эбээминэн киэн туттабын.

Алта оҕо амарах ийэтэ.

Мин киэн туттабын эбээбинэн.

Кини ырыаһыт-үҥкүүһүт бэрдэ.

Ол иһин эһэм үҥкүүһүт бэрдэ.

Эбээм баар буолан

Эһэм, тапталлаах ийэм биһиги сир үрдүгэр үктэннэхпит.

Уруй кыайыы!

Айхал күн сирэ!

Сүгүрүйэбин кыайыыны уһансыбыттарга!

 

 

Автор: Каженкина С., 8 класс