Бурнашева Анна Николаевна

(1917-1965)

Биhиги хос эбээбит Бурнашева Анна Николаевна 1917 сыллаахха Уус-Алдан оройуонугар Сыӊаах нэhилиэгэр дьадаӊы дьиэ кэргэнигэр төрөөбүтэ. Аҕата кыра өйдөөбөт эрдэ5инэ, ийэтэ 6 саастааҕар өлбүттэрэ. Онон кини икки бииргэ төрөөбүт убайдарын кытары тулаайах хаалбыттара.

Убайдара үлэлээн аhыыр этилэр. Кинилэрдиин Нам оройуонугар киирэн олохсуйбуттар. 1929 сыллаахха Хамаҕатта нэhилиэгэр «Ыччат кэскилэ» диэн табаарыстыба5а киирбиттэр, онтон 1930 сыллаахха «Арыы-Тиит» диэн холкуос буолбут, онно үлэлээбиттэр.

1930-1931 үөрэх дьылыгар Анна Нам киининээҕи начаалынай оскуола 1 кылааhыгар үөрэнэ киирэр. 1930 сыллаахха пионер кэккэтигэр, 1931 сыллаахха ЫБСЛКС чилиэнинэн киирбит. Алта сыл устата үөрэнэн ситэтэ суох орто оскуола 7 кылааhын бутэрэр.

1936 сыллаахха педучилище 1 курсугар үөрэнэ сылдьан доруобуйата кыайбакка луохтуур ыспыраапкатынан үөрэҕиттэн уурайар. Ол сыл комсомол Нам оройуонунаа5ы комитетыгар техсекретарынан улэлээбит, онтон салгыы райкомол командировкатынан уобаластаа5ы пионер баhаатайдар курстарыгар үөрэнэр. 1938 сыллаахха үөрэх Нам оройуонунааҕы салаатыгар бухгалтерынан киирбитэ. Бу үлэтиттэн босхолоон, Дьокуускайга  2 ыйдаах начаалынай оскуола учууталларын курстарыгар командировкалаабыттара. Онно үөрэнэн бутээт Намӊа начаалынай оскуола учууталынан ыыппыттар.

Бу кэмӊэ кини политическай өттүнэн буспут-хаппыт, сиппит үлэhитинэн биллибитэ. Дьэ ол иhин кинини Саха АССР народной комиссириатын Советын иhинэн радиокомитет Нам оройуонунааҕы уполнмочейынан аныыллар. Бу үрдүк эппиэттээх үлэҕэ Анна Николаевна 1941-1943 сылларга үлэлиир. Бу Аҕа дойду Улуу сэриитин сыллара этилэр. Радионан бэриллэр материаллар ис хоhоонноро олус эппиэттээхтик хонтуруолланаллара. Радионан ССТА материаллара, фронтан сонуннар, тыылга кыайыыны уhансыыга колхозтаахтар хорсун, бэйэни харыстаммат үлэлэрин тустарынан күннэтэ бэриллэрэ. Олохтоох радионан биэриигэ материалы уполномоченнай Анна Николаевна редакциялаан оӊороро. Бу үлэҕэ кини эӊкилэ суох үтүө суобастаахтык үлэлээбитин туhунан бииргэ үлэлээбит табаарыстара ахталлара.

Бурнашева Анна Николаевна комсомольскай үлэҕэ  партия райкомун дьаhалынан төннөр уонна 1943-1944 сылларга райкомол учуокка отделын сэбиэдиссэйинэн үлэлиир.

1944-1949 сылларга Нам оройуонунааҕы Сельпоҕа үлэлиир. «Yлэҕэ килбиэнин иhин» мэтээлинэн наҕараадаланар. Онтон 1949-1952 сылларга Хамаҕатта детдомун улэhитэ.

1952-1954 сылларга Нам оройуонунааҕы типография директорынан ананар. Республика биллэр биир бастыӊ үлэлээх тэрилтэнэн буолар. Бу үлэҕэ кини тэрийэр дьоҕура киэӊник арыллар. Типография техническай базата бөҕөргүүр, үлэлиир усулуобуйа кыалларынан тэриллэр. Кини деловой хаачыстыбатын бэлиэтии көрөн, аны Усть-Яна оройуонугар үлэҕэ көhөрөллөр. Манна Анна Николаевна оройуоннааҕы типография директорынан 1954-1959 сылларга туох баар сатабылын, билиитин-көрүүтүн биэрэн туран үлэлээбитэ.

Автор: А. Михайлова, ученица 6А класса