Мин хос эһэм Бубякин Петр Васильевич 1907 сыллаахха от ыйын 14 күнүгэр 2-с Наа- хараҕа төрөөбүтэ. Аҕата Василий Михайлович, ийэтэ Мария Федоровна Бубякиннар дьадаҥы бааһынай этилэр. Петр 15 бииргэ төрөөбүттэртэн 8-с оҕо.

1924 сыллаахха 2-с Наахара 4 кылаастаах оскуолатын 1 кылааһыгар киирбитэ, 1926 сыллаахха 2 кылааһы бүтэрбитэ, 1931 сыллаахха куоракка финансовай техникум 2 курсун бүтэрбитэ. 1931 сылтан 5 сыл устата «Кыым» хаһыат редакциятыгар регистраторынан үлэлээбитэ. 1936-1937 сыллаахха учууталлаабыт. 1937-39 сылларга үп-ас министиэристибэтин нолуок отделыгар делопроизводителинэн үлэлээбитэ. 1939-40 сс. Дьокуускай оройуонугар финансовай отделга бюджетнай бухгалтерынан үлэлээбитэ.

1941 сыл от ыйын 27 күнүгэр Дьокуускай военкоматыттан аармыйаҕа ыҥырыллыбыта. Чита куоракка 1 сыл байыаннай сибээскэ үөрэммитэ. 1942 сыл олунньуга Брянскай фроҥҥа тиийбитэ. Онно 811 стрелковай полка 24-с дивизиятыгар 1-кы нүөмэрдээх пулеметчигынан сылдьыбыта. 1943 сыл бэс ыйыгар хаҥас атаҕар табыллан, Горькай куоракка госпитальга сыппыта. 6 ый эмтэм- митэ, онтон 1943 сыл ахсынны ыйыгар госпитальтан Волховскай фроҥҥа барбыта. 1944 сыллаахха икки атаҕар улахан бааһырыы ылан, фронтан Красноярскай куоракка госпитальга сыппыта.

1945 сыллаахха дойдутутар кэлбитэ. 1945-1946 сс. дьиэтигэр кэлэн үлэтэ суох олорбута. 1947-1948 сс. Наахара сельпотугарсчетовод – кассир, 1949-1971 сс. холкуоска фермаҕа учетчигынан үлэлээбитэ.

Петр Васильевич кэргэннээх, биир уоллаах, 2 сиэннээх. Наҕараадалара: «За Победу над Германией в ВОВ 1941– 1945 гг.», «20-летие победы в ВОВ 1941-1945 гг.», «50 лет Вооруженных сил СССР», «За боевые заслуги» мэтээллэр, «25 лет победы в ВОВ 1941-1945 гг.» бэлиэ хаһаайына.