Боронова Мария Сидоровна

Эбээбит Мария Сидоровна о5о сааһа уоттаах сэрии кэмигэр ааспыта.

Алдьархайдаах сэрии ыар тыына үгүс дьон оҕо, эдэр саастарын былдьаппыта. Оннук дьонтон биирдэстэринэн  биьиги эбээбит Боронова Мария Сидоровна буолар. Кини 1926 сыллаахха Бүлүү улууһун Хампа нэһилиэгэр Үрэн диэн алааһыгар күн сирин көрбүтэ. Оччотооҕу тыа оҕотун сиэринэн кыра сааһыттан үлэҕэ эриллэн улааппыта. Дьоно оччолорго туруорсан үөрэтэ сатаабатахтар. Түөрт кылаас үөрэхтээҕэ.

Уоттаах сэрии кэмигэр аан дойду үрдүнэн бүрүүкээбит ыар балаһыанньаҕа Холкуос ыарахан үлэтигэр оҕо, дьахтар, кырдьаҕас эрэ хаалбыт. Сэрии кэмигэр биһиги эбээбит улахан дьону кытта тэннэ улэлиирэ, сэрии ыар сылларын этинэн хаанынан билбитэ. Ханнык да үлэттэн чаҕыйбакка, толлубакка, кыайыыга сэмэй кылаатын киллэрсибитинэн киэн туттабыт.

Оҕо сааһа ыар үлэнэн собуллубута. Сэрии саҕана күнүстэри түүннэри утуйбакка, сынньамакка үлэлээбитэ. Саас ыһыыга бэлэмнэнии буолара. Онно огус сиэтэрэ. Күһүн хомуурга улахан дьону кытта тэннэ улэлиирэ. Хомууру баттаһа утуйар ууларын умнан туран улэлииллэрэ.

Сайын от үлэтигэр үлэлэһэрэ. От мунньуу, охсуу, кээһии – үксүгэр оголор үлэлииллэрэ. Дьон бэйэ бэйэлэригэр наһаа учугэйдик сыһыаннаһаллара. Кыамматтарга көмөлөһөллөрө. Фронна туох баарынан көмөлөһөллөрө. Сибээс суох буолан, сэрии туһунан дэннэ истэллэрэ. Сурук , биллэрик (извещение) сылга биирдэ-иккитэ кэлэрэ.

Эбээбит сэриигэ барбыт дьону куоракка тиийэ атаарсыбыт. Аймага Боронов Григорий Иванович барбыт, сэриигэ сураҕа суох сүппүт. Үлэ кэмигэр хас биирдии киһиэхэ нуорма тиэрдэллэрэ. Ол нуорма үлэтин толордогуна, сэриигэ улахан көмөнү онорбут киһинэн ааҕаллара.

Ас-уол олус кэмчи этэ, киилэннэн эрэ түнэтэллэр эбит. Сэрии бүппүт үөрүүтүн дьонуттан истибит. Улахан бырааһынньык буолбут. Хас күн аайы сэрииттэн кэлэр дьону күүтэллэрэ, көрсөллөрө. Сэрии кэннитэн эбээбит сопхуоска араас үлэҕэ үлэлээбит. От-мас тиэйиитигэр сылдьыспыт. 1960 с. Дьааһылага пенсияга тахсыар диэри үлэлээбитэ. 1976 с. Пенсияга тахсыбыт. 2006 с. Ыарахан ыарыыттан олохтон туораабыт.

1955 с. Сүрэҕин анаарын көрсөн, Филиппов Василий Лукичтыын ыал буолаллар. 6 оҕолоноллор:

1 Филиппова Екатерина Васильевна

2 Филиппов Юрий Васильевич

3 Боронов Дмитрий Васильевич

4 Филиппова Дария Васильевна

5 Боронова Анна Васильевна

6 Филиппова Мария Васильевна

Эбээбит Боронова Мария Сидоровна – коммунистическай үлэ ударнига, үлэ тыыл бэтэрээнэ.

Наҕараадалара:

— «1941-1945 сс. Ага Дойду Улуу сэриитигэр үлэтин иһин» мэтээл

— «В.И. Ленин төрөөбүтэ 100 сылынан килбиэннээх үлэтин иһин» мэтээл

— «Үлэ бэтэрээнэ» мэтээл

— «Сэбиэскэй Сойуус Маршала Жуков» мэтээл

— «Ийэ буолуу»  1 степеннээх мэтээл

— «Коммунистическай үлэ туйгуна» анал бэлиэ

— Уонна да кыайыы үбүлүөйдэригэр бэриллибит…

 

 

 

Автор: А.Федоров, ученик 5 класса.