Борисова Анна Семеновна

Анна Семенова Орто Куоллараҕа “Аттахаан” алаастан чугас чараҥҥа, билигин ааттанарынан, “Куома өтөҕөр” олохтоох Өрө уолаттарыттан биирдэстэрэ Сэмэн Чооруоһап улахан кыыһа.

Сэмэн Чооруоһап кырдьаҕастар кэпсииллэринэн, бэйэтин кыанар, күүстээх киһи эбит. Сэрии фронун кыттыылааҕа Шишигин М.С улуус

хаһыатыгар суруйбутунан, өлбут баайга ууруллубут 30 бууттаах сымара тааһы холкутук көтөхпүт. Илин Хаҥалас ааттаах баайыгар кулуба

Лепчиковка хамначчыттыы сылдьан умайа турар ампаартан таһаарбыт буочукатын бэйэтэ: ”Чахчы ыарахан буочука этэ, сэрэйдэхпинэ кыһыл көмүс эбитэ буолуо”, — диэн кэпсиирэ үһү. Сэмэн оҕонньор олус киэҥ, холку куһаҕан тылы саҥарбат, быраатыныын Куомалыын таҥара дьиэтин колокуонньатын бастыҥ охсооччу эбиттэрэ үһү.

Анна Семеновна Чооруоһап улахан кыыһа буолан улэ-хамнас үөрүйэхтэригэр оҕо сааһыттан уһуллан, кыайыгас-хотугас үлэһит киһи буола улааппыт. Кини тэтиэнэх буолан эдэр сааһыттан “Чэрдээх”, “Комбайн” колхозтарга ханнык баҕарар үлэҕэ буолунан сылдьар эбит. Сүөһү иитиитигэр үксүн ыанньыксыттаабыт. Үлэҕэ-хамнаска түргэн, ыраас туттунуулаах төһүү үлэһит Ааныска дьонугар-сэргэтигэр кэпсэлгэ сылдьыбыта. Сайын моой оттуура.

1941-45 сс сэрии иннинэ Анна Семеновна ыаллыы колхозка алаас киһитигэр Борисов Николай Николаевичка (Ньукулааһаҕа) кэргэн тахсыбыта, “Коммунизм суола” колхозка эмиэ ыанньыксыттабыта.

Кэргэнэ Ааллаах Үүҥҥэ таһаҕас таһыытыгар, колхоз араас улэтигэр сылдьыбыта. Борисовтар харыларын күүһунэн үлэлээн тиинэн-түгэнэн, хоп курдук олорон испиттэрэ.

Кэргэнэ Борисов Н.Н. Аҕа дойду сэриитигэр ыҥырыллан барбыта. Сэрии ыарахан сыллырыгар Анна Семеновна атын колхозтаахтары-сүөсүһүттэри кытта сүөһү үүрэн Нуотараҕа “от сии” кыстыы барсыбыта.

Анна Семеновна олоҕун тиһэх сылларын Амма улууһугар Алтаҥҥа Герой-ийэ балтыгар кыра Ааныскаҕа олорон “аннараа” дойдуга барбыта. Кини Бүтэйдээх үтүө үлэһит дьахталларыттан биирдэстэрэ, кини сайдар кэскилин туһугар көлөһүнүн тохпут тыыл ветерана этэ.

Наҕараадата:

  1. ”1941-45сс. Аҕа дойдуну көмүскүүр Улуу сэрии сылларыгар килбиэннээх үлэтин иһин” мэтээл.

 

Автор: Д.Лаптева, ученица 7 класса.