Борисов Федор Васильевич (1899 -1974 гг.)

 

Рядовой красноармеец.  Был призван 27.06.1942 г Чурапчинским районный военкоматом ЯАССР. Демобилизован по ранению 1943 г. Служил  987 стрелковом полку 226 стрелковой дивизии. Награды по дороге потерял и не восстановил, прибыл после ранения. Всю жизнь работал в совхозе.

Биьиги эьээбит Борисов Федор Васильевич (Кылаайыс) 1901 (1899) сыллаахха Мэнэ-Ханалас улууьун Дьабыыл нэьилиэгин Уус сайылыгар элбэх о5олоох Борисов Сэмэн (Туулээх) утум уус киьи дьиэ кэргэнигэр тереебутэ. Сана тереебут кыьыл о5ону Сэмэн Арыылаахха олорор бииргэ тереебут балта Аана кэргэнинээн Борисов Баьылайдыын (Бойууьа) иитиэх ылаллар уонна ыал а5а баьалыга Суедэри бэйэтин аннынан суруттаран танара дьиэтигэр сурэхтэтэр.

Суедэр Арыылаахха о5о сааьа ааьан, холкуоьугар улэлээн, 1932 сыллаахха Мэцэ Ала5арыттан Матрена Степановнаны кэргэн ылан, ити сыл улахан уоллара Ньукулай тереебутэ.

А5а дойду сэриитэ са5аламмытыгар Суедэр 1942 сыллаахха сааскы хомуурга ынырыллан Сталининградтаа5ы Донской фронца сэриилэьэр. 1943 сыл сайыныгар «Адаам» алааьыгар о5олор оттуу сырыттахтарына сэрииттэн сурук кэлбит. Уерэ5э суох эьээбит оннугар Киирэп диэн араспаанньалаах хамандыыра суруйбут. Аба5абыт Ньукулай ол суругу сэбиэт суруксутугар Боккуойа5а тылбаастаппытынан эьээбит этэннэ сулууспалыы сылдьарын, доруобуйата чэгиэнин, до5отторун кытта иллээ5ин уонна хорсуннук сэриилэьэ сылдьарын туьунан сырдаппыт. 1944 сыллаахха эьээбит сэриигэ улаханнык бааьыран дойдутугар эргиллэн кэлбит. Кини сэриигэ кыттыбытыгар на5араадалардаах.

Эьээбит доруобуйатынан еруттэ туьэн баран холкуоска сал5ыы улэлээбитэ. 1946 сыллаахха кыра уоллара Миисэ тереебутэ.

Аба5абыт Борисов Николай Федорович (Ньукулай Уус) 1932 сыллаахха ахсынньы 20 кунугэр Дьабыыл нэьилиэгин Арыылаах сайылыгар тереебутэ. Дьабыыл алын суехтээх уонна Тенулу орто оскуолаларын, онтон сал5ыы Дьокуускайдаа5ы тыа хаьаайыстыбатын техникумун бутэрэн баран зоотехник идэтин ылбыта. Ити идэтинэн Абый улууьугар ус сыл зоотехнигынан, тыа хаьаайыстыбатын салаатын салайааччытынан улэлээбитэ.

Салалтата эдэр кэскиллээх улэьити таба керен Ньукулайы 1956 сыллаахха Томскайдаа5ы университет юридическай салаатыгар уерэххэ ыытар. Уерэ5ин бутэриэ5иттэн следователынан, оройуон прокурорунан, онтон уон алта сыл тухары ереспуубулукэ прокурорун силиэстийэ5э солбуйааччытынан улэлээбитэ. Ол кэннэ Ереспуубулукэ5э арбитражнай суут сана тэриллэригэр кинини бастаакы бэрэссэдээтэлинэн анааннар туох баар ити сууту тэрийэн уэлэтэ, кыьал5а кини урдунэн барбыта. Ити дуоьунаьыгар бочуоттаах сынньалацар тахсыа5ар диэри то5ус сыл улэлээбитэ.

Ити сыралаах улэтин тумугунэн кини Российскай Федерация уонна Саха Ереспуубулукэтин утуелээх юриьа, ССРС Ис дьыала5а министерствотын туйгуна, Саха Ереспуубулукэтин М.М. Фёдоров аатынан Государственнай бириэмийэ лауреата, ССРС прокуратурын бочуоттаах улэьитэ, Мэнэ-Ханалас улууьун бочуоттаах мецената, Мэнэ-Ханалас, Еймекеен улуустарын уонна Саха Ереспуубулукэтин бочуоттаах олохтоо5о.

Кини прозаик, Саха Ереспуубулукэтин суруйааччыларын союьун чилиэнэ, Саха Ереспуубулукэтин народнай суруйааччыта.

Общественник быьыытынан ереспуубулукэ5э киэнник биллэр. Ер сыл Саха Ереспуубукэтигэр помилование боппуруостарын хамыыьыйатын салаайааччыта этэ уоннэ Ереспуубулукэ Урдуку Ытык Субэтин чилиэнэ. Ону таьынан кини АЛРОСА ААУо устаабын уонна Саха Ереспуубулукэтин Конституциятын (Сурун сокуонун) ааптардартан биирдэстэрэ.

 

 

Автор: МОБУ СОШ №26