Барашков Семен Степанович (1923 г.р.)

 

Төрөөбүт күнэ: Балаҕан ыйын 14 күнэ 1923с.

Төрөөбүт сирэ: Хачыкаат нэһилиэгэ, Орджоникидзевскай оройуон.

Үлэлээбит сирэ:колхозка рабочий, овощевод, суоппар, моторист уо.д.а.

Мин хос эһээм аҕатыгар оҕо турбат буолан уу кыһыл оҕону тыаҕа Давыдовтар диэн ыалга ииттэрэ биэрэр. 9 сааһыгар оскуолаҕа үөрэттэрэ диэн бэйэтигэр ылар. Начальнай кылааһы бүтэрбитин кэннэ Булгуньяхтаахха ыытар, 6 кылааска үөрэнэ сырыттаҕына аҕата өлөн дойдутугар төннөн кэлэн аймахтарыгар сыстан колхуоска үлэлиир. 1941 с. Аҕа дойду улуу сэриитэ саҕаланан эдэр дьоннор бары сэриигэ бараллар. Мин хос эһээм 1943с.cайын сэриигэ ыҥырыллан барар. Иркутскай куоракка тиийэн, хос байыаннай медкомиссияны баран онно доруобуйатынан сыыйыллар. Үлэ фронугар ыыталлар. Свердловскай уобаласка Уралга Нижней Солда диэн сиргэ сэрии сэбин оҥорор заводка, подсобнай хаһаайыстыбаҕа оҕуруот аһын үүннэриигэ үлэлиир. Сэрии кэмэ буолан астара быстар мөлтөх эбит бааһынааҕа хаалбыт хаппыыста тэллэҕин хомуйан миин өрүнэн иһэллэрэ. Олохтоохторго тугу да бычыгыраппакка барытын фроҥҥа ыыта тураллара.

Армияттан 1947 сыллаахха төннөн дойдутугар кэлэн колхозка үлэлиир.

Колхоз председателя куоракка суоппардар курстарыгар ыытан үөрэттэрэр.

1952 сылтан саҕалаан суппарынан үлэлиир, нэһилиэккэ бастакы суоппар этэ.

1954-57 сылларга Большой Неверга таһаҕас тиэйэр этилэр. ССКА чилиэнэ, бастакы техниканы барытын баһылаабыта. Араас маркалаах массыынаҕа барытыгар үлэлээбитэ. ПМК уу мотуоругар моторист, уот биэрэр станцияҕа дизелист, уу, үүт, солярка тиэйиитэ барытыгар кини сылдьара. Эдэригэр наар хайҕалга сылдьара, передовиктар мунньахтарыгар, слёттарыгар кыттар этэ.

Тыа хаһаайыстыбатын министерствота пенсияҕа тахсарыгар 1978с. бастакы суоппар буоларын учуоттааннар фонда  “Москвич” массыына биэрбиттэрэ.

Кэргэннэнэн, 7 оҕону төрөтөн барыларын атахтарыгар туруорбута. Билигин кини олоҕун оҕолоро, сиэннэрэ, хос сиэннэрэ, хос хос сиэннэрэ салгыыллар.

 

 

 

Автор: Барашков Э., 6 кылаас