Барашков Прокопий Спиридонович (1902-1991 гг.)

 

Мин эһэм Барашков Прокопий Спиридонович бэс ыйын 1 күнүгэр 1902 сыллаахха Чурапчы улууһун Бахсы нэһилиэгэр төрөөбүтэ. Кини 1942 сыллаахха бэс ыйын 20 күнүгэр Кыһыл Армия кэккэтигэр ыҥырыллыбыта. Сталинград куораты көмүскүүр кырыктаах сэриигэ кыттыбыта. 62 Армия, 932 Стрелковай полк, 252 Стрелковай дивизия састаабыгар сылдьыбыта. Алтынньы 11 күнүгэр дивизия сэрии сэптээх 180км сатыы 4 күн айаннаан  кимэн киирбиттэрэ. Сталинград иһин кыргыһыыга өстөөҕү утары ыстыыгынан атаакаҕа киирсибитэ. Ол сылдьан снаряд эстиититтэн сиһигэр  эчэйии ылан бааһыран өйүн сүтэрэн охтубут, өйдөнөн кэлиитигэр аттыгар ким да суо5ун көрөн советскай танкаҕа сыыллан тиийбит. Тимиринэн танканы тоҥсуйбут, байыас тахсан кинини быыһаабыт. Сиэстирэ кыыс наһыылкаҕа ууран соҕотоҕун сэрии хонуутуттан госпитальга таһаарбыт.

Мин эһэм Барашков Прокопий Спиридонович дойдутугар холкуоска өр сыл үлэлээбитэ. Икки уола ыал дьон буолбуттарын көрөн, сиэттэрин бүөбэйдэһэн күн сириттэн 1991 сыллаахха туораабыт.

«Сталинград оборонатын иһин», «Хорсунун иһин» «1941-1945 сыллардааҕы Аҕа дойду сэриитин кэмигэр килбиэннээх үлэтин иһин»,  «1941-1945 сыллаах Аҕа дойду сэриитигэр Кыайыы иһин» мэтээллэринэн наҕараадаламмыта.

Сүрдээх аламаҕай майгылаах, дьон убаастыыр, ытыктыыр киһилэрэ этэ. Мин эһээбинэн киэн туттабын. Кини олоҕо, хорсун быһыыта миэхэ холобур буолар.

 

Автор: А.Петров, ученик 6 класса.