Барашков Егор Павлович (1916 г.р.)

 

место рождения: Бахсытский наслег Чурапчинского района

место работы: колхоз имени Кирова Бахсытский наслег Чурапчинского района

профессия: кузнец

участник принудительного переселение более 40 колхозов Чурапчинского улуса на рыбодобычу в арктические улусы республики в годы Великой Отечественной войны

награды: Медаль «За доблестный труд в Великой Отечественной войне 1941–1945 годов»

Из воспоминаний родных

«Алаҕар уонна Бахсы биир нэһилиэк, биир холкуос этилэр. Аҕабыт саас эрдэ Чыаппараҕа киирэн ыһыыга туттуллар техниканы өрөмүөннүүргэ үлэлэһэрэ. Хайа да техника чааһын бэйэтэ эллээн, чочуйан оҥорор мындыр өйдөөх, уус илиилээх этэ. Ону таһынан саха быһаҕын, хомуһу оҥороро.»

«Сэрии иккис сылыгар Чурапчы оройуонун 41 холкуоһун «балык булдугар» диэн ааттаан күүс өттүнэн хоту оройуоннарга көһөрбүттэрэ. Бахсыттан биһиги дьоммут баар Киров аатынан холкуостара эмиэ көһүүгэ үүрүллэн, биһиги дьоммут үһүөн барбыттар. «Чурапчы алдьархайа» кинигэҕэ Монастырев Константин Иванович ахтарынан, Эдьигээҥҥэ Мэҥкэрэ диэн сиргэ, 30-н тахса буолан бастаан хотоҥҥо олорбуттар. Маҕаһыыҥҥа баар кураанах тимир буочукалары ылан, олору аҥаардаан, хас да оһох оҥостубуттар, түннүктэрин мууһунан саппыттар. Ол үлэлэргэ сүрүннээн Михаил, Роман Барашковтар, Михаил Пермяков уонна биһиги аҕабыт Егор Барашков үлэлээбиттэр. «Киров» холкуостан оҕолуун-уруулуун барыта 70-ча киһи көһөрүллүүгэ сылдьыбыт.»

«Оҕо сылдьан кинини кытта сылдьыбыт дьон: «Дьөгүөһэ уус буолан, кураанах буочукалартан тимир оһох оҥортоон, олору туруоран дьиэлэрбитин сылытан абыраммыппыт», — диэн кэпсииллэрин истэрбит.»

 

Автор: Х. Уруйдаана, 7 «в» класса