Баишева (Лыткина) Фекла Александровна (1915 г.р.)

 

Мин хос эбэм Баишева (Лыткина) Фекла Александровна Мэҥэ-Хаҥалас улууһун Дьабыыл нэһилиэгэр 1915 сыллаахха төрөөбүтэ. Тоҕус саастаа5ар тулаайах хаалан, бэйэтэ ыал хаһаайката буолан улааппыта — ас астаан, таҥастарын-саптарын бэрийэн, бииргэ төрөөбүттэрин көрбүт-дьаһайбыт. Оло5ор элбэх эрэйи, ыарахаттары туораан, наһаа тулуурдаах, үлэһит буолан улааппыт. Хос эһээбэр, Баишев Никита Николаевичка, оччолорго огдообо киһиэхэ, 19 сааһыгар кэргэн тахсыбыт. Хос эһэм сэрии кыттыылаа5а. Кинилэргэ уонтан тахса төрөөбүт о5оттон тыыннаах 5 о5о хаалбыт, олортон биирдэстэрэ мин эбэм Анастасия Никитична буолар. Хос эбэм сэрии иннинээ5и сылларга «Кыһыл сардаҥа» холкуоска ыанньыксытынан үлэлээбит. Кини хотуулаах санаалаах, норуот туһугар диэн ханнык да үлэттэн толлубат этэ.

Хос эбэм сэрии сут-кураан, кыһал5алаах сылларыгар хас да сыл көрбүт ынахтарыттан төрүөхтэрин кэннэ 100 бырыһыан тыыннаахтыы иитэри ситиспитэ. Ферма5а, хонууга үлэлээн, эр киһи үлэтин барытын толорон, дьиэтигэр да көстүбэтэ үһү.

Ити сылларга уонна сэрии кэнниттэн үлэ5э үрдүк ситиһиилэрин, үтүө суобастаах үлэтин иһин икки төгүл Саха АССР Yрдүкү Сэбиэтин Президиумун Бочуотунай грамотатынан на5араадаламмыта, « Тыа хаһаайыстыбатын туйгуна » бэлиэни ылбыта. Сэрии бүппүтүн кэннэ «1941-1945 сылларга А5а дойду Улуу сэриитин кэмигэр килбиэннээх үлэтин иһин» мэтээлинэн на5араадаламмыта. 1947-1951 сс. Мэҥэ-Хаҥалас оройуонуттан Саха АССР Yрдүкү Сэбиэтин депутатынан талыллан үлэлээбитэ.

Хомойуох иһин, эрдэ 1984 с. , ыараханнык ыалдьан, олохтон барбыта. Биэс о5о амарах ийэтэ, уон биир сиэн эйэ5эс эбэтэ этэ.

Мин хос эбэм Фекла Александровна курдук, а5а дойдуну көмүскүүр сэрии сылларыгар тыылга (холкуоска) хаалбыттар Советскай Армия кыайарын, сэрии түргэнник бүтэрин туһугар олус кытаанах олоххо бэйэлэрин харыстаммат, уһулуччу үлэлэринэн армия5а күүс-көмө буолбуттара. Мин хос эбэбинэн олус киэн туттабын, таптыыбын.

 

 

Автор: С.Владимиров, ученик 1 класса.