Баишева Елена Матвеевна 1922г.р

ААСТЫЙБЫТ БАТТАХТААХ ЭБЭКЭМ

Мин эбэм Баишева Елена Матвеевна 1922 сыллаахха Горнай улууһун Маҥаны неһилиэгэр төрөөбутэ. Бииргэ төрөөбүттэр биэстэр этэ. Убайа Дьөгүөр-уон икки оҕо амарах аҕата. Эдьиийэ Харытыана, быраата Ньукулай сэрии сылларыгар колхоз ыарахан үлэтигер сылдьан ыалдьан өлбүттэр. Онон эбэм соҕотох хаалар. Былыргы таҥараһыт дьоҥҥо 7 сыл иитиэххэ сылдьар. Ол сылдьан араас ыарахаттары көрсөр. Ииппит ийэтэ, аҕата эрдэ өлөннөр сүөһү көрүүтүгэр сылдьар. Серии, сут-кураан сылларын ыараханын этинэн-хаанынан билэр. Тулаайах буолан иккис кылаастан үөрэхтэн матарга күһэллэр. Кыһын, сайын хотон ыарахан улэтин барытын толорор. Ол сырыттаҕына от суох буолан сүөһү кыстата Баатараттан тиийэллэр. Баишев Иван Гаврильевич диэн тулаайах уоллуун билсэн сыарҕалаах атынан сүктэн кэлэр. Манна кэлэн колхозка, совхозка ыанньыксытынан улэлиир. Утуу-субуу биэс уол оҕолонор. Оччотооҕуга эмп-том,таҥас-сап, ас кырыымчыгыттан иккиуол өлбүттэр. Кэргэнэ сэттэ уонус сыллар саҕаланыыларыгар өлбүтэ.
Эбэм Елена Матвеевна эйэҕэс-сайаҕас, үтүө майгылаах буолан дьон-сэргэ көмөлөһөн-өйөөн сүөһүтүн-аһын эспэккэ, ус уолаттарын дьон тэҥинэн көрөн-истэн улаатыннартаан дьон, ыал оҥортообута. Эбээм ылбычча дьахтар киһи үлэлээбэт ыарахан улэтигер гараж кочегарынан улэлээн бочуоттаах сынньалаҥҥа тахсыбыта. Эр киһилии хоһуун санаалаах буолан итинник үлэлээтэҕэ. Сэрии ыарахан сылларыгар хоһууннук улэлээбитин туоһулуур грамоталара, Махтал суруктара, элбэх мэтээллэрэ бааллар.
Эбэм Елена Матвеевна 11 сиэн, 7 хос сиэн тапталлаах эбээлэрэ. Мин улэһит, хоһуун тыыл үлэтин дьиҥнээх саллаата, аастыйбыт баттахтаах эбэкэбинэн киэн туттабын.

Автор: С.Баишев, ученик 10 класса.