Баишев Василий Гаврильевич (Марков Василий Иванович)

Кыайыыны уһансыбыттар

 

Баишев Василий Гаврильевич 

Мин эһэм, Баишев Василий Гаврильевич, 1934 сыллаахха тохсунньу ый 14 күнүгэр билиҥҥитинэн, Чурапчы улууһун Дириҥ бөһүөлэгэр күн сирин көрбүт. Мэнэ Ханалас оройуонугар 1935 сыл эргин иитиэх кэлбит. Кини дьиннээх төрөөбүтүнэн аата Марков Василий Иванович диэн. Бииргэ төрөөбүттэр тохсуо эбиттэр: алта уол уонна үс кыыс. Мин эһэм, Василий Гаврильевич кырыктаах сэрии оҕото. Сэрии сут-кураан сылларыгар, хам аччык сылдьан, Улуу Кыайыыны уһансыбыт өрөгөй үтүөлээх. Сэрии саҕаланыытыгар кини, эмиэ мин курдук 7 эрэ саастаах эбит. Кырачаан эһэм от ыйын өҥүрүк куйааһыгар улахан дьону кытары тэҥҥэ үс туман түһүөр дылы от оттоспута. Кыһынын, иитиэх аҕатыгар көмөлөһөн, тыыннаах хаалар, хоргуйан өлбөт туһуттан күһүҥҥү, кыһыҥҥы, сааскы мунхаларга эр дьоннуун тэҥҥэ мөхсөрө. Ол иһин, мин эһэлэрим, эбэлэрим оҕо саас диэн тугун билбэккэ хаалбыттар, эрдэ тулаайах хаалбыттар. Ийэ, аҕа сылаас сыһыанын билбэтэх, кырыктаах сэрии тымныы тыына хаарыйбыт кырачааннарын Сэбиэскэй былаас детдомнарынан атахтарыгар туруорбута. Билигин Василий Гаврильевич Баишев, түөрт оҕо, элбэх сиэн, хос сиэн ытыктыыр аҕата, эһэтэ, хос эһэтэ. Тыыл, үлэ бэтэрээнэ, Мэнэ Ханалас улууһун Нуораҕана бөһүөлэгин бочуоттаах олохтооҕо. Кини биһиэхэ, олоххо, үтүөҕэ-кэрэҕэ тардыһыы – сүдү күүс буоларын чаҕылхай холобура.

 

 

Автор: У.Баишева, 6 «б» кылаас уорэнээччитэ.