Баишев Афанасий Леонтиевич (1929 г.р.)

    

Мин хос эһээм

Мин хос эһээм Баишев Афанасий Леонтиевич — тыыл, үлэ ветерана, Нам улууһун ытык киһитэ.

1929 сыллаахха олунньу ый 5 күнүгэр Нам улууһун Тоостоох нэһилиэгэр төрөөбүтэ. Кини алын сүһүөх үөрэхтээх. Сэрии саҕаланыытыгар 11 саастаах этэ. Сайынын от бириэмэтигэр оҕус сиэтэллэр, сэлиэһинэй бурдугу суорунаҕа тардаллар, кыһыҥҥы от-мас тиэйэргэ көмөлөһөрө.

Эһээм бииргэ төрөөбүт убайа Егор Леонтиевич Баишев — Саххаанай (1903-1942 с.) мин хос хос абаҕам буолар, кини Нам оройуонугар аан бастаан 1938 с. Үлэ кыһыл знамята уордьанынан наҕараадаламмыт. Бастыҥ сылгыһыт, Нам оройуонун республикаҕа аатырбыт сүүрүк Сындыыс аты сүүмэрдээн, иитэн таһаарбыта. Аҕа дойду Улуу сэриитигэр 26.06.1942 с. ыҥырыллыбыта. Ржев куорат көмускэлин кырыктаах кыргыһыытыгар 01.10.1942 с. геройдуу охтубута. Кини уҥуоҕа Калинскай уобалас Ржев оройуонун Олоки дэриэбинэтигэр харыллыбыта.

Хос эһээм Баишев Афанасий Леонтиевич — Үлэ, тыыл ветерана. Совхоз, оройуон, республика чемпион техник осеминатора. Үүт ыамыы үрдэтиигэ социалистическай куоталаһыы кыайыылааҕа. 1948-50 сылларга сүүрүк «Сындыыс» Республика рекордун сүүрдээччитэ. Дьоммут ааттара үйэ саас тухары ааттана туруоҕа, биһиги кэнчээри ыччаттара үйэтитэр ытык-иэспит.

 

               

 

 

Автор: Н.Саввинов, 2 «Б» кылааһын үөрэнээччитэ.