Андросова Елизавета Афанасьевна (1928-2010)

Чурапчы улууһун Хайахсыт нэһилиэгэр 1928 сыллаахха Сылгы Ыытар алааһыгар төрөөбүт. Аҕата Афанасий Гаврильевич Андросов — Хадаар, ийэтэ Екатерина Трофимовна Хайахсыт нэһилиэгиттэн төрүттээхтэр. Сэрии кэмигэр 1942 сыл, бэһис кылааска үөрэнэр кэмигэр күһүөрү Хоту көһөрүүгэ ыыппыттар.

Өрүһүнэн айаннаан Эдьигээн анараа өттүгэр, Натаараҕа тиийбиттэр. Баралларыгар бэлэм дьиэҕэ тиийиэхпит диэн тугу да ылбатахтар, ыал аайыттан иккилии ынаҕы ылбыттар. Тиийбиттэригэр ким да көрсүбэтэх, хаардаах биэрэккэ түһэртээн кэбиспиттэр. Кубус-кураанах, олус тымныы, тыаллаах, балаакка да, оһох да суох эбит. Ким ырбаахытын, ким суорҕанын холбоон хахха сир оҥостубуттар. Икки тимир уһааты толору уот оттон, ол суоһугар иттэн, сыраллан утуйаллара. Оннук тоҥон-хатан 10 – тан тахса хонук олорбуттар. Астара биир киһиэхэ 6, үлэһиккэ 12 киилэ бурдук көрүллэрэ. Ону хаһаанан, кэмчилээн хааһы оҥостон сииллэрэ. Кыра оҕолор, кырдьаҕастар аччыктаан, тоҥон, сыырастаан өлбүттэр. Бэрэбинэ салааска оҥостон 20 киһи уоннуу буолан икки хамаанданан, уу аҕалбыт маһын ороон хайаны өрө соһон таһаараллара. Оннук үлэлээн дьоҕус балаҕан оҥостубуттар. Оҕолор төһө күүстэрэ тиийэринэн сыралаһан дьонноругар көмөлөспүттэр.

 

 

Автор: Охлопкова И., ученица 6 «Б»