Андросов Семён Семёнович

Эһээм Андросов Семён Семёнович Мэҥэ-Хаҥалас улууһугар 2 Мэлдьэхсин нэһилиэгэр төрөөбүт, 4 кылаас үөрэхтээх, ордук ахсаан уруогун сөбүлүүрэ үһү.

3 саастааҕар төгүрүк тулаайах хаалбыт буолан дьоллоох оҕо саас диэни билбэккэ, эбиитигэр Аҕа дойду сэриитин ыар, сут уонна кураан сылларыгар, өлүү-сүтүү сатыылаабыт, харах уулаах иэдээннээх кэмигэр улааппыт. Аччыктааһыны, хоргуйууну эт хаанынан билбит. Кини 10 сааһыттан кирпииччэ собуотугар улахан дьону кытта тэҥҥэ үлэлээбит. Сэрии кэнниттэн суол тутуутугар үлэлии сылдьан эдэр ыччаттарга хоту сиргэ үлэһит илии наада диэн ыҥырыыны көрөн, ылынан хоту Дьааҥы улууһугар үлэлии барбыт. Онно тиийбитигэр кинини Саккырыырдааҕы тутуу улахан биригээдэтигэр биригэдьииринэн анаабыттар, ол тэрилтэҕэ /ПМК, Ленинскэй СУ/ пенсияҕа тахсыар диэри үтүө суобастаахтык үлэлээн социалистическай куоталаһыы хас да төгүллээх кыайыылааҕа, «Знак Почета» орден кавалера, В.И. Ленин 100 сыллаах үбүлүөйүнэй мэтэээл, Улуу Кыайыы мэтээллэринэн наҕараадаламмыт, КПСС чилиэнэ, нэһилиэк хас да ыҥырыылаах сэбиэтин дьокутаата.

Дьоллоох, уйгулаах олох иһин турууласпыт, Кыайыыны уһансыбыт ытык дьоммут үтүө ааттарыгар оҕолоро, сиэннэрэ, хос сиэннэрэ махтанабыт, киэҥ туттабыт, сүгүрүйэбит.

Ким да умнуллубат, туох да умнуллубат!

Автор: Томский Г., 9 кылаас