Андросов Егор Михайлович (1926-1976 гг.)

 

Хос эһээм Егор Михайлович Андросов 1926 сыллаахха Мэҥэ улууһугар I Мөҥүрүөн нэһилиэгэр Чыппаалыкы диэн алааска колхуостаах бааһынай кэргэнигэр төрөөбүтэ. Ийэтэ 2 саастаҕар, аҕата 4 саастаҕар эрдэ өлөннөр, тулаайах хаалбыта. Онон аҕатын убайыгар, абаҕатыгар Андросов Прокопий Даниловичка, саҥаһыгар Аксинья Афанасьевнаҕа иитиллибитэ.

Аҕа дойду улуу сэриитин кэмигэр тыылга кыайыыны уһансыбыта. Кини Ааллаах Үүҥҥэ, Охотскай перевозка таһаҕас таһыытыгар сылдьыбыт тыыл бэтэрэээнэ. Музейга хос эһээм ахтыытыттан баар: «Тыылга сүнньүнэн кырдьаҕастар, дьахталлар уонна оҕолор хаалан тыа сирин кытаанах, ыарахан үлэлэрин толороллоро. Биир ыарахан соругунан оройуон колхозтара көмүс бырамыысаланнаһыгар үлэлиир оробуочайдары аһынан-таҥаһынан хааччыйыылара буолара. Ааллаах Үүҥҥэ, Алдаҥҥа, Охотскай перевозка, Томмокко тиийэ тыыһынчанан туонна таһаҕаһы колхуос саамай бастыҥ, сырыыны кыайан сылдьар дьонноро таһаллара. Сэтинньи саҥатыгар, сыарҕа хаара түстэҕинэ айаҥҥа туруналлара. Көмүс хостооччуларга үксүн ас-таҥас тиэйэн илдьэллэрэ. Ол курдук бурдук, эт, курууппа, туус, кууллаах сахар, онтон да атын таһаҕаһы тиэйэллэрэ. Ааллаах Үүҥҥэ айан уһуна, кыһыҥҥы тымныыга таһаҕастаах сыарҕалаах атынан араас ыарахан, таастаах хайаны дабайан, тарыннары туорааһын аанньа үчүгэй таҥаһа-саба суох дьоҥҥо наһаа ыарахан этэ. Ол да буоллар колхуостарын сорудаҕын толорон, таһаҕастарын итэҕэппэккэ, буорту гыммакка ильдэн туттараллара.»

2011 сыллаахха А.К. Татаринов Ааллаах Үүҥҥэ таһаҕасчыттара диэн кинигэтэ тахыбыта. Онно биһиги хос эһээбит эмиэ ахтыллан ааспыта.

Ити барыта дьайан, хос эһээбит Дьөгүөр доруобуйата мөлтөөтөҕө, күөгэйэр күннэригэр сылдьан, 10 оҕону тулаайах хаалларан, 49 эрэ сааһыгар 1976 сыллаахха олохтон туораабыта.

Использованная литература: «Алаас эйгэтин араҥаччыта» Л.П.Габышева, 2013с.
Иллюстрации: Баишев Н.С. «Ааллаах Үүн таһаҕасчыттара. Тарыҥнаах үрэхтэринэн айан»

 

Автор: А.Яковлев Айтал, ученик 8 класса.