Андреева Татьяна Васильевна

 

Биһиги эбээбит- Андреева Татьяна Васильевна- олунньу 5 күнүгэр 1916 с. Yөhээ Бүлүү Кэнтик нэhилиэгэр төрөөбүт.Кыргыттарын ахтыытыттан үллэстэбит:

Сэрии ыар сылларыгар, тыа дьахталлара бары буоларын курдук, биhиги ийэбит, төрөөбүт дойдутугар суол оҥоһуутугар,  ханааба хаһыытыгар үлэлээн үчүгэй үлэһитин иһин Сталин төбөлөөх мэтээлинэн наҕараадаммыта. Кытай Бааска оҕуруот биригэдьиирдээх, элбэх оҕуруот аһын олордон колхозка дохуот киллэриитигэр үчүгэй үлэтин иһин күһүн аайы харчынан, матырыйааланан наҕараадаланар этэ. Биригээдэ биир эрэллээх үлэһитэ буолара. Ийэбит барахсан үтүө да майгылаах этэ. Уһун көнө уҥуохтаах, киэҥ арылхай харахтаах, сахаҕа кэрэ дьүһүннээх, толуу көрүҥнээх этэ. Төһө да олох ыарахаттарын көрүстэр өрүү көр-күлүү кэпсэллээх буолааччы. Ханна да сырыттар-үлэлээтэр тулалыыр дьонун күллэрэр идэлээх буолааччы.Yөрэммитэ буоллар культураҕа саха драм театрын артыыската буолуохтааҕа хаалбыт.

 

Олоххо билиитэ көрүүтэ, оҕону итии өттүгэр- учууталлартан итэҕэһэ суох этэ диэн өйдүүбүт. 1945 с. аҕабытын Андреев Николай Ивановиһы кытта ыал буолан, түөрт оҕону төрөтөн- иитэн, киэҥ суол аартыгар киллэрбиттэрэ. Бары араас идэлэнэн, үтүө суобастаахтык үлэлээбиппит- онно ийэбит олоххо бэлэмнээбит үөрэҕэ төһүү буолта чуоккай. Ыарыһах буолан ситэ үөрэммэтэх да буоллар- биһиги тус олохпутугар- улуу педагог!

Эдьиийин оҕото тулаайах хаалбытын ииппитэ, Дьокуускайынан Москванан үөрэнэн  тас дойду Берлиҥҥэ реклама фирматын директорынан үлэлээбит, ССРС союһун художниктарын чилиэнэ, Басылайканап Петр Сергеевич диэн таайдаахпытынан киэн туттабыт. Ол ийэбит барахсан үтүөтэ-өҥөтө буолар.

Оҕолоро бары үөрэхтэнэн, үлэhит буолан, пенсияҕа тахсан олоробут. Биhиги ийэбит кырдьар сааhыгар дьоллоох олоххо олорон ааспыта. Онон да кыра кэмнэ биhиги атахпытыгар туран үлэ дьоно буолбуппутун билэн көрөн барта диир сөп буолуо.

Кини үөрэтиитин салҕыы оҕолорбутугар, сиэннэргэ тиэрдэ сатыыбыт. Ийэбитигэр улуу махтал тылларын аныыбыт. 1980с. тохсунньу 3 күнүгэр суох буолбута.

Ахтыыны суруйдулар кыргыттара Вера, Розалия, Тамара, Марфа.

                                                   

 

 

Толордулар: Денис Егоров 11б, Жанна Егорова 6а кыл. МОБУ «Саха гимназия»