Андреев Николай Иннокентьевич (1934-2003)

 

Үлэ, тыыл бэтэрээнэ.

Горнай улууhун Одунун эhилиэгэр кун сирин көрбүтэ. Кини кыра эрдэ5иттэн олох ыарахаттарын билбитэ. Кыра саастаа5ар төрөппүттэрэ өлөннөр тулаайах хаалан дьоҥҥо иитиллибитэ. Ол са5аттан үлэ ыараханын билбитэ.

Сэрии са5аланарыгар 1941 сыллаахха баара суо5а 7 эрэ саастаах кыра о5о кыhыннары-сайыннары аhыыр-аhаабат сылдьан сопхуос ыарахан үлэтигэр хоруйуллубута.

Кыра эрдэ5иттэн үлэлии үөрэнэн үйэтин-сааhын тухары үэни таптыыр, ис сурэ5иттэн үлэлиир, барыны-бары кыайар-хотор, кыахтаах, түлүүрдаах этэ. Кини тулуурун, кыа5ын норуот хаhаайыстыбатын быыстапкалыгар кыттыыта бигэргэтэр. Ол курдук 1957 с. сайыныгар Ворошилов колхозка илии хотуурунан 47 хонук устатыгар 53 гектар сири охсубутун иhин 1957 с. Горнай оройуоннаа5ы норуот хаhаайыстыбатын быыстапкатын кыттыылаахтарын бигэргэппитэ. Бу киhини сөхтөрөр түгэн.Кини рекордун билиҥҥээҥҥэ диэри ким да хото илик.Бырааттара, о5олоро ахталларынан кини хотуурунан оту кыайан хотуппат эбиттэр, онтон кини ол хотуурунан күн  быhа аа-дьуо киэн-киэнник тэлиэнкэлээн сир бө5өну охсоро. Туспа от охсор талааннаах этэ дииллэр. Кини туhунан хаhыаттарга элбэх ыстатыйа тахсыбыта, «Хотуурум күөх окко кылбаннаа» диэн Василий Алексеев кинигэтигэр кытары ахтыллыбыта.

5 о5о амарах а5ата, 11 сиэн үтүө эhээтэ. Эhээбит барахсан хара үлэ5э киhи тэҥнэспэт үлэhитэ, байанайдаах булчут этэ.Улахан сиэннэрин, мин ийэбин Эриканы уонна таайбын Евгенийы, 6 саастарыттан батыhыннара сылдьан оттотор эбит. Кини тулуурдаах буоларга, үлэлээтэххэ эрэ киhи-хара буола5ыт диэн үөрэтэрэ. Кини үтүө суобаhа, мындыр туттута-хаптыыта, үлэ5э таптала биhиэхэ о5олоругар, сиэннэригэр, хос сиэннэригэр үтүө холобур буолар.

 

Автор: О.Степанова, 8 б кылаас