Алексеева Мария Максимовна (1931 — 2010)

Педагогическай үлэ, тыыл бэтэрээнэ

Мин хос эбэм Мария Максимовна Алексеева, 1931 сыллаахха Сунтаар оройуонун Күүкэй нэһилиэгэр  төрөөбүтэ. Төрөппүттэрэ — колхозтаахтар, аҕата Максим Алексеевич Иванов, ийэтэ Федора Васильевна Петрова.

1941 сыллаахха Күүкэй начаалынай оскуолатыгар үөрэнэ киирбитэ. Оччотооҕу сэрии ыар сылларыгар аччыктыыры, сылайары, тоҥору этинэн -хаанынан билбитэ.

Онус кылааһы Сунтаар оскуолатыгар  1951 сыллаахха үөрэнэн бүтэрбитэ. Дьокуускайга Физико-математическай факультеты бүтэрэр.

1954-1956 с.с. Уус Алдан оройуонун Курбуһах оскуолатыгар математик учууталынан педагогическай үлэтин саҕалаабыта.

1956-1969 с.с. Тулуна аҕыс кылаастаах оскуолатыгар эмиэ математика учууталынан үтүө суобастаахтык үлэлээбитэ.

Онтон 1969 сылтан Майа5ас нэһилиэгэр биэнсийэҕэ тахсыар диэри, онтон продленнай бөлөх уонна интернат иитээччитинэн айымньылаахтык үлэлээбитэ. Үлэлээбит сылларыгар үрдук көрдөрүүлээх, идэтин толору баһылаабыт, үөрэтэр оҕолоругар дириҥ билиини биэрэр учуутал быһыытынан биллибитэ.

Майаҕаска 10 тахса сыл профоюз бэрэссэдээтэлинэн, бөһүөлэк дьахталларын сэбиэтин бэрэссэдээтэлинэн өр сылларга үлэлээбитэ.

33 сыллаах педагогическай, уопсастыбаннай үлэтэ сыаналанан, үлэ тыыл бэтэрээнэ буолбута.

«В.И.Ленин 100 сааһа», Аҕа дойду сэриитин үбүлүөйдээх мэтээллэринэн, «Үөрэхтээһиҥҥэ дириҥ кылаатын иһин» бэлиэнэн, элбэх оҕолоооҕунан «Ийэ мэтээлинэн» наҕараадаламмыта.

Хоро нэһилиэгин бочуоттаах олохтооҕо этэ. Хос эбэм Мария Максимовна олус көрсүө майгылааҕа,  куруутун үөрэ-көтө сылдьара, кыаммат түгэммэт дьонно мэлдьи көмөлөьөрө, сүбэ-ама биэрэрэ.

Кини 2010 сыллаахха 79 сааһыгар күн сириттэн барбыта.

 

Автор: Иванова С., 7 кылааһын үөрэнээччитэ.