Алексеева Фатима Ивановна (1932-2007 гг.)

 

Мин хос эбээм Алексеева Фатима Ивановна 1932 с. Кутана нэһилиэгэр тɵрɵɵбүтэ. Сэрии сылларыгар улахан курааннар тураннар, аччык дьыллар буолбуттара. Сэрии  сылларыгар  эр  дьон  барыта  сэриигэ  барбыттара. Оҕо,  дьахтар  эрэ  хаалбыттара. Кинилэр эр дьон  улэтин  барытын толороллор.

Дьоно ийэлээх аҕата, быраата аччыктаан ɵлɵннɵр, эбээм соҕотох тулаайах хаалаахтаабыт. «Оччолорго интэринээккэ улахан дьоллоох оҕолор киирэллэрэ.  Мин тɵгүрүк тулаайах буолан уончалаахпыттан колхозка үлэлээбитим. Таңас-сап олох кэмчи, лэппиэскэни хам-түм сиирбит, үксүн ыалларга, суорунаҕа бурдук тардарым, сайын окко уонна да атын үлэлэргэ оҕус сиэттэрэллэрэ». Биирдэ улаханнык хомойон олорон «Ийэм ɵлбүтүн кэннэ, дьиэбитигэр бырааппынаан хаалан хаалбыппыт, дьоннор тэйиччи олороллор этэ, аччыктааммыт, тугу да сиирбит суох буолан, ааммыттыгар сааллан турар ынах тириитин буһаран сиэбиппит, быраатым аччыктаан ɵлбүтүн кэннэ, дьоннор кэлэннэр харайбыттара, мин ыал устун барбытым», — диэн кэпсээбит үһү. «Сэрии бүппүтүн кэннэ 1946 сыллаахха убайым Федоров Алексей сэрииттэн эргиллэн кэлбитэ, уонна миигин иитэ ылбыта. Бастаан убайым кэлбитигэр үчүгэй да этэ, түɵһэ барыта кылабачыгар мэтээл этэ»- диэн ахтара.

Хос Эбээм сэрии кэмигэр үлэтин иһин, «Ветеран тыла»  буолбута, элбэх мэтээлинэн наҕараадаламмыта. Кэмпэндээйигэ санаторий профилакторийга ɵр сылларга үлэлээбитэ. Дьон убаастабылын ылбыта, пенсияҕа тахсан да баран ɵр сылларга үлэлээбитэ,  Сэттэ оҕо амарах ийэтэ этэ 2007 сыллаахха Кэмпэндээйигэ олорон 77 сааһыгар күн сириттэн барбыта. Мин хос эбээбинэн киэн туттабын.

 

 

 

Автор: С.Уарова ученица 4 класса.