Алексеев Николай Иванович (1938 г.р.)

 

Мин эһэм,  Алексеев Николай Иванович, олунньу ый 9 күнүгэр 1938 сыллаахха Сэттэбиннээххэ төрөөбүтэ, онтон оҕо сааhа II Чочуга ааспыта.

Чуондулу 7 кылаастаах оскуолатын 1953 сыллаахха бүтэрэн Бүлүү куоратын соҕотох орто оскуолатыгар киирэн интернатка олорон үөрэммитэ. 1957 сыллаахха ситии-хотуу аттестатын ылар уонна Саха государственнай университетын тыа хаһаайыстыбатын факультетыгар туттарсан киирэн,  1963 сыллахха ученай-зоотехник идэтин ылан бүтэрэр. Ол кэннэ дойдутугар кэлэн Степан Аржаков аатынан колхозка, онтон совхоз буолбутугар совхозка зоотехник-бригадирынан Чинэкэ ферматыгар ананан үлэтин саҕалыыр.

1100 тахса ыанар ынахтары, 100 тахса уулаах туҥуй бургунастары көруу-истии бириэмэтигэр олус ыарахан үлэ этэ, үлэhит илии тиийбэтэ сордуура. Ол да гыннар саҥаны бастыҥы олоххо киллэриигэ Республикатааҕы бастыҥнар кэккэлэригэр сылдьар, кинилэргэ сылы быhа араас оройуоннартан опыт атастаhа  делегациялар быыстала суох сылдьаллара.

Куhаҕана суох үрдүк таhаарыылаах үлэтин туоhутунан совхоз Республикаҕа бастыҥ көрдөрүүлээх хаhаайыстыба буола аатырар кэмигэр, онно сэмэй кылаата баарын туоhутунан бэс ыйын 25 күнүгэр 1984 сыллаахха «Саха АССР Үтүөлээх Зоотехнига» аатын иҥэрбиттэрэ буолар. Итини таhынан:

— Минсельхоз почетнай грамотата (26.03.1986с.);

-Булуу Райкомун уонна Райсоветын почетнай грамоталара (16.02.1984с., 13.02.1986с.,05.08.1987с.);

— Пятилетка ударнига (10.01.1981с.).

-Ст. Аржаков аатынан совхоз Парткомун грамоталара (23.09.1976с., 01.1981с., 17.01.1982с.)

Онон эһэм үлэтин бириэмэтигэр салалтата сыаналаабыт дии саныыбын.

Ферматтан уурайан баран совхоз иhинэн кырдьаҕастар «Сайдыы» кооперативтарын тэрийэн үлэлэппитэ, уопсайа 100 тахса чилиэннээх эбит. Кэтэх ыаллар үүттэрин тутан совхоз суотугар государстваҕа туттарар эбиттэр.

Үүт тутар сыах арыйан үүтү оруйуоҥҥа бастакынан пакеттыыр буолбуттар. Тэрийэр үлэлэрэ үрдүктүк сыаналанан, Республика бастакы президенин гранын ылар чиэстэммиттэр.

Муҥха оҥостон нэhилиэги балыгынан толору хааччыйбыттар.

Совхоз иhинэн кооператив буоланнар, совхоз ыhылларыгар кооператив чилиэннэрэ паайдарыгар сүөhү (ынах, сылгы) оттуур сир ылан тахсыбыттара, бу бириэмэтигэр саамай сөптөөх дьаhаныы этэ.

Иллэҥ бириэмэтигэр эһэм бултуурун, балыктыырын олус сөбүлүүрэ, улахан бултка сыстаҕаhа суох да буоллар, дьону кытта сылдьан тайах, таба бултаһара.

Эһэм ылбыт мэдээллэрэ:

  1. Улуу Кыайыы 75 сыла (1945-2020)
  2. Октябрскай Революция 100 сыла
  3. Ветеран труда
  4. Медаль Маршала Советского Союза Жукова
  5. Дети Войны
  6. Знак 100 лет ВЛКСМ

 

 

Автор: Шарапова Н., 8 кылаас