Афанасьева Анна Игнатьевна (1921 г.р.)

 

Төрөөбүт күнэ: 15.03.1921 сыл

Төрөөбүт сирэ: Үгүлээт нэһилиэгэ, Бүлүү улууһа

Үлэлээбит сирэ: Үгулээт нэһилиэгин совхуоһа

Хос эбэм Афанасьева Анна Игнатьевна кулун тутар 15 күнүгэр 1921 cыллаахха Үгүлээт нэһилигэр Бүлүү улууһугар төрөөбүтэ. Бииргэ төрөөбүттэр сэттэлэр. Биэс уол, икки кыыс.

Мин хос эбэм 20 сааһыгар сэрии буолбут. Эбэм кэпсииринэн: «Кыһын атынан арыыттан от тиэйэрбит, киэһэтин фроҥҥа сылаас таҥас тигэбит, саас  ойуурга мас кэрдэбит. Саас бурдук ыһыытыгар барабын. Сайын окко ыраах баран оттуубут, күһүн биирдэ кэлэбит. Күһүн муҥхаҕа муус алларабыт. Элбэх балык кэллэҕинэ барытын совхозка туттарабыт. Төһө да ыарахан үлэҕэ сырыттарбын сотору кыайыы буолуо диэн куруук эрэнэр этибит уонна өссө күүскэ үлэлиибит. Кыайыы буолбутун саас бурдук ыһа сылдьан истибитим. Дьоннорум бары дэриэбинэҕэ барбыттара. Мин аттары көрө хаалбытым, үөрүүбүттэн ытаабытым»-диэн хoc эбээм элбэхтэ ахтара үһү. Хос эбээм туруу үлэһитин хайҕаан хаһыакка кытта таһаарбыттар. Кини олус дьоллоох олоҕу олорон ааспыт. 3 кыыстаах уонна 1 уоллаах. 100 сааһын туолан баран күн сириттэн күрэммитэ. Хос эбээбинэн киэн туттабын!

 

Автор: Алексеева А.,  3а кылааһын үөрэнээччитэ.