Мин, аҕабынан хос эһээм, Афанасьев Василий Севостьянович 18.10.1935 с. төрүөх. Кини оҕо сааһа Аҕа дойду сэриитин кэмигэр ааспыта. Бииргэ төрөөбүттэр бэһиэн уолаттар, аҕалара эрдэ өлөн, ийэлэрэ соҕотоҕун ииппит. Мин эһээм иккис уол.  Сэрии кэмигэр курааннаан, үүнээйи үүммэккэ хоргуйуу бөҕө буолбут, элбэх дьон хоргуйан өлбүттэр. Хос эһэм эмиэ аччыктыыры билэн, сэрии ыар сылларын санаатаҕына хараастан ылара. Биэс саастаах кыра оҕо, сайын оҕуска олорон отчуттарга астарын илдьэн биэрэр эбит. Онтон, кэлин, бааһынаҕа тыраахтары харабыллыыр буолбут. Ол сылдьан манныкка түбэспитин, мин аҕам алын сүһүөххэ үөрэнэ сырыттаҕына кэпсээбит.

Күһүөрү, бааһынаҕа трактор харабыллыы сыттаҕына, эдэр ыччаттар кэлбиттэр. Киэһэлик кулуһун оттубуттар, онно мэкчиргэ оҕолорун тутан ылан уокка үтэ сылдьыбыттар. Эһээбит тракторга утуйа сыппыт. Арай «Һук-Һук» диэн дорҕоон иһиллэр үһү. Өйдөөн көрбүтэ, Ийэ мэкчиргэ айманар, уокка кэлэн, оҕолорун быыһыы сатыыр курдук, дэлби кэлэн түһэ сатыыр эбит. Оҕолорун былдьатан, түүнү быһа айманыы бөҕө буолбут. Эһээбит дэлби долгуйбут, куттаммыт. Ол айманар ийэ мэкчиргэ саҥата кулгааҕар өргө дылы иһиллибит.

Кэлин ол онно баар дьон оҕоломмуттар. Ол оҕолоро уокка сиэтиллибит курдук баастаах оҕо төрөөбүт үһү.  Олох хаһан да, тыҥырахтаах көтөрү тыыппат буолуҥ диэн сүбэлээбит. Ол ыччаттарга ийэ мэкчиргэ кырыыһа тиийбитэ буолуо диэбит.

Наһаа кыра детсад оҕото соҕотоҕун хоноро, үлэлиирэ, киһи сөҕөр эрэ. Билигин итинник биһиги көлүөнэ үлэлиэ, дуо?

Хос эһэм Калининградскай уобалас Советскай диэн куоратыгар кинотехникуму бүтэрэн, төрөөбүт улууһугар Үөһээ-Бүлүүгэ 40 сыл устата киинэ эйгэтигэр үлэлээбитэ. Үчүгэй үлэтэ сыаналанан, Саха Республикатын культуратын үтүөлээх үлэһитэ, РФ Верховнай Советын грамотатынан, Саха  АССР Верховнай Советын Президиумын грамотатынан, СССР кинмотографиятын туйгуна, Ленин төрөөбүтэ 100 с.  Килбиэннээх үлэтин иһин мэдээлинэн наҕараадаламмыта.

 

А.Афанасьев, 3 кылаас